User:Dr. Greywolf/Sandbox2
要貼去：文體學
 |
| 語言學系列 |
|---|
 Portal |
文體學（粵拼：man4 tai2 hok6 [e 1]），又叫文體論或者風格學，係語言學嘅一個分支領域，專門研究語言嘅「風格」—例如攞一個語言群體嚟睇，佢哋口語講日常生活嘢用嘅詞彙，梗會同口語講學術知識有差異，而如果呢個群體有雙層語言情況，佢哋寫嘢可能會同口語（包括日常同學術口語）有好顯著嘅差異。
基本概念 編輯
一段語言整體上表現出嚟嘅獨特鮮明特性。
風格話到明係「獨特鮮明」，就表示一套風格一定透過比較得出嘅：例如而家話某位作家有佢嘅風格（一個個體有風格），就表示佢寫或者講嘅嘢同第啲作家比起嚟，有某啲零舍唔同嘅地方；又例如而家話香港人同澳門人口頭講故仔嘅風格有啲分別（一個群體有風格）—譬如香港人可能成日夾雜嚟自英文嘅借詞，而澳門人就比較多出自葡萄牙話嘅借詞，呢啲觀察都係透過比較先至留意得到嘅。
文體學跨越咗語言學同文學嘅範疇。最基本上，文體學會分析吓口語同文字嘅客觀語言特性，例如聽香港人同澳門人講粵語，要知道係咪真係「前者多啲英文借詞，後者多啲葡萄牙話借詞」，研究者大可以[註 1]數吓呢啲字詞喺香港人嘅話語同澳門人嘅話語當中出現嘅頻率[註 2]—可以靠非常客觀嘅數值嚟解答條問題[2]。再進一步嘅分析，會嘗試探究呢啲特性背後「反映緊啲乜」或者「有啲咩深層意義」，例如已知某位作家嘅風格特別，零舍常用某類嘅字，文學評論工作者就有可能會話「噉係反映咗呢位作家嘅獨特諗嘢方式，而呢點係源自佢嘅成長背景」呀噉[3]，而社會語言學嘅研究者亦有可能有興趣剖析唔同群體講嘢寫嘢嘅風格唔同，係反映緊咩社會現象。
重要概念 編輯
首先，思考一個顯而易見嘅事實[4]:1.2.1：所有嘅文學，都源自創作者做嘅語言決策。想像以下噉嘅句子：
阿明打算今後花多啲時間陪佢嘅老婆同埋 _____。
上面句嘢嘅空格位，可以填屋企人或者家人。喺粵語白話文裡邊，無論創作者喺呢兩個選擇當中揀咗邊個，都能夠出到一句合理嘅句子。創作者要根據佢嘅個人喜好或者其他因素，決定要用邊一隻字詞。
搭配詞 編輯
文獻計量 編輯
原則上，語言學跟嘅係科學方法[e 2]，成日都會靠量化嘅方式嚟測試假說。廿一世紀初嘅文體學，好多時都會借用統計概念。想像家陣有位文體學研究者，佢想比較唔同時期嘅港產片啲粵語對白有咩分別，佢可以攞住手上嘅文獻或者口語紀錄，由六個角度剖析段嘢，計吓唔同嘢嘅頻率，包括[5]:1.2：
睇埋 編輯
註釋 編輯
文獻 編輯
- Abdulqader, K. A., Sha'ar, M. Y. M. A., & Alyasery, A. H. Corpus Stylistics: Style and Corpora Applications (PDF).
引咗 編輯
- ↑ （大陸簡體） 莊濤, 梁冠羣, 胡敦驊 (2003). 寫作大辭典，漢語大詞典出版社
- ↑ Bauer, R. S. (2016). The Hong Kong Cantonese language: Current features and future prospects. Global Chinese, 2(2), 115-161.
- ↑ 王淑儀 （譯）（2014）。太宰治的人生筆記。台北市：麥田出版社。
- ↑ Jeffries, L., & McIntyre, D. (2010). Stylistics. Cambridge University Press.
- ↑ Liu, Y., & Xiao, T. (2020). A stylistic analysis for Gu Long's Kung Fu novels. Journal of Quantitative Linguistics, 27(1), 32-61.
- ↑ Burrows, J. F. (1987). Word-patterns and story-shapes: The statistical analysis of narrative style. Literary & Linguistic Computing, 2(2), 61-70.