Wikipedia:城市論壇 (提議)

政策

技術

提議

諗法實驗室

雜項

睇晒

• 目錄
• 第一串討論
• 呢版最尾

城市論壇嘅提議部係用嚟討論新橋及討論同政策無關嘅問題（有關政策嘅問題，請去Wikipedia:城市論壇 (政策)）。 如果你諗到啲喺呢處仲未有，好犀利嘅改動方案，可以喺呢度提出。但請喺發表你嘅文之前請先檢查吓有冇其他人曾經提議過。 喺貼你嘅提議之前： 如果個提議係需要更改軟件嘅話，請喺Phabricator度提出。你嘅提議通常都唔會畀開發人員留意到，除非個提議係喺嗰度貼上。 如果個提議係一個更改政策嘅提議，請喺Wikipedia:城市論壇 (政策)度提出。 如果個提議係一個喺維基百科以外嘅新wiki-style計劃，請去m:Proposals for new projects，根據嗰邊嘅指引發表。請唔好喺呢度貼文。呢個同維基專題係唔同嘅。

請喺你嘅留言道加上你嘅簽名用埋時間（打入~~~~或者撳一下編輯工具欄上面嘅簽名掣）。請響最尾道加上新嘅題目。

英治時期譯名

一直以黎，大家都知英治時期政府係有套譯名，但會成日俾人質疑無根據。而我一路都疑惑，例如馬卓安夫人係唔係真係叫「莊樂敏」(至今未能搵到來源)，英國工黨領袖John Smith 係唔係有譯名（尋晚終於發現係叫「施明輝」）。最近發現特區政府政府檔案處，係有將英治時期嘅新聞處1971-1997年每日嘅新聞公布上咗網，入邊有唔少發現。我暫時放返係自己嘅媒體專頁度，你地如果現階段係唔係有人想將個list 同英國官員英文姓名官方粵語翻譯服務合併，定匯入，你地自己處理，我就避席呢個問題。我會係完成瀏覽咁多年嘅公報後，再通報一次。 Jérry~雨雨 (傾偈) 2024年7月11號 (四) 10:36 (UTC)

上文所講嘅list 已經整完，你地點利用我就唔理啦。除咗唔太想中維用咁咯 :0) Jérry~雨雨 (傾偈) 2024年7月31號 (三) 10:53 (UTC)

外文譯名拼法標準化？

我呢排寫關於漢字圈外嘅人同事嘅時候周不時都會遇到譯名寫法嘅問題：當一個人或地方唔太出名而冇普遍認定嘅漢字譯名嗰陣，應該要點譯法呢？用官話譯喺可以，但係寫嘅明明係廣東話，無啦啦轉做官話有啲唔爽。另一種辦法就係自創，但係每個人都自創嘅話會令到每篇文章用嘅譯名都有些小唔同，link文章嘅時候又唔實用，睇得起嚟又唔正經，唔太理想。

之所以係噉，所以小弟有一個提議：不如我哋自己建立一個基於廣東話嘅拼寫系統，將粵維入面啲譯名標準化，每次用呢個系統嗰陣再喺個名後面加個模組，提醒個讀者個名係我哋自己嘅譯法，督促佢哋如果要進一步研究嘅話用返原文名好啲。

我前排因為好玩就已經開始編寫咗一個類似噉嘅拼寫系統。如果大家鍾意呢個提議嘅話，我可以直接將佢上傳到呢度，睇下大家點諗。

Xwhitec (傾偈) 2024年7月18號 (四) 15:39 (UTC)

不如傳上嚟等大家見識下先啦！——定格流星 (傾偈) 2024年8月8號 (四) 08:35 (UTC)

拿：https://docs.google.com/document/d/1772bdK0e-J3QQ9_Gz3Py6sKLfLgjMFOl4OTcj16kEgY/edit?usp=sharing

Xwhitec (傾偈) 2024年8月8號 (四) 11:29 (UTC)

Wikipedia_talk:標題習慣#粵語音譯規則 220.143.180.165（討論） 2024年10月29號 (二) 04:41 (UTC)

有指引係好，不過我都係覺得整個實實在在嘅拼寫系統好啲，避免混淆。我前排寫關於倫敦地下鐵嘅文章嗰陣就係面對咗呢個問題：我用嘅譯名同之前啲人用嘅譯名唔同，雖然我哋都係大致有跟個talk頁列出嚟嘅指引，但係譯名如果有一個字嘅差別個鏈接就鏈唔到，令到我每次要鏈都要走去個英維check有冇已經存在嘅粵語翻譯，好嘥時間。如果有咗一套系統令到每個名淨得一個譯法就唔會有呢種問題。

順帶一提，大家如果好奇用我套方案嘅效果係點，我呢排寫嘅文章都係用佢。我個人就覺得都幾美觀吓，唔知大家點諗：

華盛頓地鐵紅綫#車站一覽

華盛頓地鐵橙綫#車站一覽

華盛頓地鐵黃綫#車站一覽

華盛頓地鐵綠綫#車站一覽

華盛頓地鐵藍綫#車站一覽

紐約地鐵1號綫#車站一覽

紐約地鐵7號綫#車站一覽

紐約地鐵Q綫#車站一覽

Xwhitec (傾偈) 2024年10月29號 (二) 11:49 (UTC)

「是日正文」改做「正文貼堂」？

「是日」畀人感覺係「日日有新嘢睇」，但係我哋根本冇能力噉樣做，基本上每個月更新一次。

「貼堂」冇咗個種時間限制 MultipleRocketLauncher (傾偈) 2024年9月7號 (六) 19:51 (UTC)

粵化

小建議，管理員提名之類要提名嘅嘢，「支持」可以用「捧」，反對可以用「踩」更加粵化MultipleRocketLauncher (傾偈) 2024年9月29號 (日) 15:41 (UTC)

啲文標題改用昭源宋體？

唔知目前粵維啲文標題用緊個字體叫咩，睇落去同中維同一個，但係有啲粵字顯示唔到。

圖

昭源宋體可以解決到呢個問題。

圖

MultipleRocketLauncher (傾偈) 2024年9月10號 (六) 17:41 (UTC)

視乎你 ｢用緊邊個字體｣ 係指乜，答案可以係 ｢冇乜話邊個｣ 或者 ｢睇你用邊隻 theme｣。顯示唔到字嘅問題已經有文講（我㨂嗰隻一點明體都係嗰篇文介紹），不過唔係成日出現，唔記得喺邊度。

如果唔用 webfont，網頁唔可以控制字款，只可以 ｢提議｣（suggest，或者有啲人講 ｢影響｣，influence），原因係每個作業系統嘅內置字型都唔同。呢樣其實係做網頁設計嘅基本常識，不過好多人都唔知，好多人（包括我自己）亦都已經有係咪都用 webfont 嘅習慣。

另外，維基百科（好多嘅網誌都一樣）用乜字款係由 theme 決定，用家改 theme，就改咗字款。呢度得幾個 theme，理論上可以夾硬改 theme，但係用家喺呢度亦可以用自訂 CSS 夾硬改返（我而今用嘅手機介面都係自訂咗 CSS，其中一個原因就係要解決缺字嘅問題）。

不過，如果某字款好，其實可以事先嵌入哂所有 theme 嘅 CSS，咁用家一裝咗字款就會即刻 work。 理論上亦可以改 theme 嘗試載入 webfont，不過會令版面載入慢咗。如果真係加字體，用第一定第二種方法，就要視乎用多幾多 bandwidth / data 算係可以接受；第一種方法用多咗嘅 bandwidth 係零，第二種方法係唔知。我一兩個星期前去 Adobe 個網站搵料，個站奇慢，佢就係用咗第二個方法。 Al12si (傾偈) 2024年9月17號 (二) 06:56 (UTC)

PS: 手機版我估應該可以咁答：

'Linux Libertine','Georgia','Times','Source Serif Pro',serif

呢行意思係：

1. 如果有 Linux Libertine，又出到字，就用佢
2. 如果唔得，但係有 Georgia，又出到字，就用佢
3. 如果都唔得，但係有 Times，又出到字，就用佢
4. 如果都唔得，但係有 Source Serif Pro，又出到字，就用佢
5. 如果都唔得，就是但揀一種出到字嘅宋體

當然，有可能試勺哂都出唔到，咁嘅情形下架機可能會（1）是但搵隻出到嘅字款，或者（2）出空格。 Al12si (傾偈) 2024年9月17號 (二) 07:24 (UTC)

人物條目辨認度問題

（之前開錯版，係詢問處度搬左過來，ping回覆過嘅@彳山一儿攵辛束：）

小弟係中維過來，見到一系列香港人物條目除了人名和半句簡短“介紹”，毫無方法辨認區分，想提醒一下。

其中一個格式係“XXX，香港親中派政治人，曾經參與2023年香港區議會選舉。 ”站内搜尋揾到306個結果，ctrl-f“17隻字”，會見到158個結果（減一個117字，一個217字，仲有156個）。開條目唔係問題，但可否比多少少資訊？（出生年？英文名？選區？參完選唔選到？）此“系列”條目非個例，其他例子仲有“XXX，香港親中派人士。 中國和平統一促進會香港總會理事”（48字有35個，49字有99個）同“佢喺李家超無提政綱嘅情況下，有份提名李家超參與2022年香港行政長官選舉”（748個結果，呢個系列通常長少少，但都無咩資訊）。

希望呢道管理員可以管理一下。（如果真係無資料，又想寫，不如開個2023年香港區議會選舉參選人列表、中國和平統一促進會香港總會理事列表、2022年香港行政長官選舉提名人列表？） Sohryu Asuka Langley Not Shikinami (傾偈) 2024年10月22號 (二) 11:14 (UTC)

粵維俾美帝打壓得咁慘（啲中共全權管轄嘅系統反而一視同仁），由得嗰拃質素低，然而內容符合事實嘅獨家超短文留低啦！𠹭堆誘餌每吸引到一百個你𠲖類人唻睇，就大概會有一個願意加長佢哋嘅其中一篇；等到內容夠豐富，就會有人翻譯，再擺入中維。講件趣事畀你聽：我喺粵維寫唨頁〈王青霞〉，特登整到啲格式古靈精怪，增加抄襲成本，然而啲考證用字一啲都唔馬虎——確定唔到嘅資料有特別標示；嚸知有中維嘅人帶佢哋過去，不過唔附上消息來源兼當正係可靠噉樣列出唻；亦有人加啲肯定係錯嘅嘢入去搗亂，然而兩者都唔算意料之外噉樣長期留低，結果啲流料經YouTube滿天飛…… 彳山一儿攵辛束 (傾偈) 2024年10月22號 (二) 15:26 (UTC)

@Monsolo15：（先提提隔籬城市論壇#雜項有人提我講緊嘅情況。）

小弟略爲讀左呢道幾篇討論，見到唔少“打壓論”同抗拒連接去其他語種嘅情況，我唔熟呢道，唔多評論，但歡迎各位分享下啲資料比小弟研究了解一下。

小弟作爲講粵語的香港人，見到粵維有高質獨家文當然高興，但我認爲寫文係為比（所有）人睇，如果出發點係為“獨家”，就唔係幾好。我隨機google左幾個17字文嘅2023區議會參選人，以google:邱浩麟爲例，呢位仁兄嘅粵維版係結果第二頁，整體排第12，呢種算唔算打壓？但換個角度，你係google，當有其他更詳細嘅網站時，有咩原因要將篇17字嘅文擺頭位？如果你認爲“因爲粵維係維基，可信，所以擺頭位”，咁但係如果成個粵維嘅文都係得17個字（我知唔係），我係google我都唔睬你啦。我舉呢個例子係想講，文寫得差，就無人睇，google就唔推，就更少人睇，係惡性循環（又戴頭盔，當然google唔推可以有其他因素啦）。

至於“𠲖堆誘餌每吸引到一百個你𠲖類人唻睇，就大概會有一個願意加長佢哋嘅其中一篇”，咁其他99個點？咁我又學你假設，有一個人睇完，心諗“超，所謂維基，一句起半句止，唔睇也罷”，至弊佢周圍唱，咁咪有反效果？

最後比個建議，呢啲文要留，都執執佢，加個stub模、超短文模，方便管理嘛。 Sohryu Asuka Langley Not Shikinami (傾偈) 2024年10月22號 (二) 22:57 (UTC)

原來早幾個月都有人講，開文係好事，但前提係篇文要好，否則如我同@H78c67c："整個一覽表代替，冇必要人人開篇文"。最後引一句某香港人講過嘅野提醒下，“唔係話數字愈高就一定愈巴閉”，希望粵維可以“質”“量”並重。 Sohryu Asuka Langley Not Shikinami (傾偈) 2024年10月22號 (二) 23:59 (UTC)

再加個香港再出發大聯盟發起人列表。 Sohryu Asuka Langley Not Shikinami (傾偈) 2024年10月23號 (三) 03:26 (UTC)

維基百科當然係寫畀所有人睇咖啦！正因為噉樣，所以有啲文最好獨家。中維有項潛規則，係對啲翻譯自粵維嘅作品要求特別低，因此即使係惡搞式加工過，都極少會留難；除非篇幅太短……啲老實人唔想畀造謠友操作得太方便，有咩唔妥啫？ 彳山一儿攵辛束 (傾偈) 2024年10月23號 (三) 07:38 (UTC)

我講嘅“所有人”唔限於粵維，而係包括中英維（甚至維基以外嘅地方，因爲呢道嘅版權條款係容許嘅），所以你問我嘅話，“獨家”同維基根本唔夾。如果所謂嘅獨家内容係150篇17字嘅“文”，邊個會黎睇？Sohryu Asuka Langley Not Shikinami (傾偈) 2024年10月23號 (三) 08:58 (UTC)

終於有人出聲，呢位人兄好多文都係好似操作啤機噉，換個人名就開一篇，啲餡一模一樣，就算係稍為出名嘅人，本身已經有中英文版詳述佢出生年份、主要事跡甚至有相，篇文都係同啲二打六一樣格式簡單一句。佢亦冇連Wikidata嘅習慣，多數都係其他人執佢手尾，所以亦出現有人話「無從判斷」連唔連好嘅問題。可能呢度多數人見佢對衝高粵文維基百科文章數量有貢獻，都冇乜人敢話佢。我早年曾經試過將明顯冇知名度嘅二打六掛notability模（例如「九龍社團聯會扶貧政策委員會第八屆成員」鄧愛），不過見冇乜效果，後期我都唔再積極去理。--Yaukasin (傾偈) 2024年10月23號 (三) 13:59 (UTC)

@Yaukasin：講到底都係嗰股一向以多重標準處事嘅勢力，強迫粵維中維化嘅行動；你睇下嗰幾萬篇同時喺兩邊氾濫嘅小行星文（英維已經合併唨佢哋）好過啦！粵維有堆嘢曝到光，不過唔方便某批人翻譯去中維，就梗係會覺得唔順眼，繼而諗辦法清除咖啦……希望你只係因無知而附和……至於Sohryu Asuka Langley Not Shikinami，起碼大方過103.66.132.62，畀人哋知道佢些少來歷。大家唔應該要求啲冇糧出嘅義工寫嘢寫到好似班商業公關整嘅影視介紹咁高質量咖；嗰幾百篇夠關注度嘅香港政治人超短文唔包含事實錯誤資料，既然冇阻𠰍你衣食住行，噧由得佢哋留喺喥，等有心人逐項改善囉！𠹭堆網頁亦威脅唔到世界和平；反而嗰邊有立心不良嘅友仔，習慣見𠲖喥啲文寫得夠好，就花極少功夫搬過去，再惡意加料去妖言惑眾。 彳山一儿攵辛束 (傾偈) 2024年10月23號 (三) 16:52 (UTC)

所以話應該變列表，人名全部紅字，夠料先個別開版。如果整列表，至少20XX年區議會參選人同20XX年特首提名人呢啲，個名單係幾多人就幾多人，唔怕比人話驚列唔曬就提刪。如果呢啲17字文比人提刪（其實好似已經有），揸正黎做應該無得留。係呢個角度諗，變列表長遠對粵維更有益。150篇無内容嘅文，同一個列表，藍字有長文，紅字無文，讀者想要邊個？ Sohryu Asuka Langley Not Shikinami (傾偈) 2024年10月24號 (四) 02:48 (UTC)

@Universehk：邀請作者黎講兩句。 Sohryu Asuka Langley Not Shikinami (傾偈) 2024年10月24號 (四) 02:51 (UTC)

怕且喺該君寫勻740萬香港人之前件事都唔會完。大家放長雙眼等待一個700萬+篇文嘅粵維好過啦。有身份證都係政治人，哈，問您歹匕未— 之前未簽名嘅留言係由219.76.38.25 (留言)寫低嘅。

見有討論我都想出句聲，近期佢又「寫」一堆文，都係「曾經參選2011年香港區議會選舉」。參選過區議會選舉唔等同一定值得收錄，尤其係突然出嚟選、落選後銷聲匿跡嘅人，除非有其他事跡，否則唔應該收錄。究竟呢堆文有冇呢啲人，如果唔逐個檢查，真係冇人知。反而我就留意到有資深區議員（例如陳國華 (香港)—zh:陳國華 (香港)）都畀佢寫到好似只選過一屆區選噉。更好笑嘅係，有同名人物都係佢自己開，一篇寫參選過某屆區選，另一篇寫參選過另一屆區選，究竟係咪真係兩個唔同嘅人，定係同一個人參選兩屆區選都可以開兩篇文，大家可以睇下：

• 黃建新 VS 黃建新 (政治人物)
• 李文龍 (政治人) VS 李文龍 (政治人物)
• 湯寶珍 VS 湯寶珍 (區議員)
• 陳文華 VS 陳文華 (民建聯)
• 徐帆 VS 徐帆 (區議員)
• 楊永杰 VS 楊永杰 (香港)
• 潘國華 VS 潘國華 (1959年)

講完。--Mikedou (傾偈) 2024年11月16號 (六) 04:20 (UTC)

哇，問題比想象中嚴重，@Universehk：麻煩處理一下。 Sohryu Asuka Langley Not Shikinami (傾偈) 2024年11月16號 (六) 04:35 (UTC)

OK I can merge it. Universehk (傾偈) 2024年11月22號 (五) 05:26 (UTC)

其實@彳山一儿攵辛束開口埋口話人打壓，有冇諗過點解會畀人打壓？Google自己都講到明，Google嘅自動排名系統優先顯示有用、可靠嘅資訊。噉咩為之有用可靠呢？Google畀咗一堆問題我哋可以一齊思考下：

• 啲內容係咪提供到原創資訊、報道、研究或分析？
• 啲內容描述個主題夠唔夠全面？

  請問大家讀「李文龍 (政治人物)，香港親中派政治人，曾經參選2011年香港區議會選舉。」呢篇「文」有啲咩得着呢？佢係咪屬於邊個政黨嘅呢？全港18區佢喺邊區參選嘅呢？最後有冇贏到呢？

• 啲內容除咗啲好明顯嘅嘢之外，有冇提供深入分析或者有趣嘅資訊？
• 如果啲內容用到其他來源嘅內容，係咪照抄或者輕輕哋改寫，定係有加料增值？
• 你會唔會想抄低條 link send 畀人睇呢？
• 比起其他網頁，啲內容係咪提供到一定嘅價值？
• 啲內容係咪睇落寫得好，定係睇落匆匆忙忙砌出嚟？
• 啲內容係咪大量生產，搞到每版冇乜人理？

  你估下。

講完。 h78c67c (傾偈) 2024年11月16號 (六) 08:50 (UTC)

我執文時都發現到上述問題，嘗試睇Special:邊度鏈去呢版有冇線索，就見到呢邊已經傾緊。如果原作者都唔肯定兩位同名嘅人係咪同一個，建議先改晒做跳轉。不過，我都認同問題根源就係原作者開嘅文質素低下，內容完全冇參考價值（純粹只係話嗰個人有參選一屆區選，之後乜資料都冇），就算攞去刪都唔覺得可惜。--XRTIER (傾偈) 2024年11月17號 (日) 03:08 (UTC)

某程度上，小行星文仲好過呢批人物文。求其開個黎睇，小行星10166有大量資料做辨認，絕對唔會同第二粒搞亂。黃建新同黃建新 (政治人物)，究竟是一個定兩個，原作者係知道佢地唔同所以開兩篇，定作者睇都無睇就開左重複？真係你唔知、我唔知、作者都唔知。 Sohryu Asuka Langley Not Shikinami (傾偈) 2024年11月17號 (日) 03:58 (UTC)