中國大陸食品安全事件一覽

自從2003年中華人民共和國（中國大陸）奶製品安全事件開始，各地媒體對中國大陸食品安全加強報導，因而揭發同中國大陸相關假冒偽劣食用產品或「黑心食品」為新聞重點。例如；2003年大頭奶粉、2005年假雞蛋，甚至近年2014年過期肉類。

事件發生 或者係 曝光時間	黑心食品名	簡介
2003年－2004年	大頭奶粉	因為食用劣質奶粉導致嬰幼兒致病、致死相關事件。生產劣質奶粉嘅首犯王文官被判處有期徒刑8年，事為「阜陽劣質奶粉事件」。
2004年	頭髮醬油	2004年1月5號，湖北省荊州市一間調味品工廠被揭發用「氨基酸液」加氫氧化鈉、鹽酸、紅糖、色素等原料整醬油。而湖北省另一間專門生產「氨基酸液」嘅公司所採用嘅原料係各種包含蛋白質嘅廢物，主要有人嘅毛髮，醫用棉等。原料唔經任何處理直接進行酸解，還原成氨基酸。而毛髮水醬油大肆流行於河南、安徽、湖北等地。睇「頭髮醬油」。
2005年	假雞蛋	湖北 北京、廣東等地發現用咗化學藥品人工合成嘅雞蛋，完全可以以假亂真，而且通常好難想像雞蛋可以造假。常常認為係中國造假嘅登峰造極之作。睇「假雞蛋」。 但亦有意見認為假雞蛋只係典型嘅網絡培訓騙局，認為0.1元成本唔可能製造出具有逼真嘅全橢圓薄殼、蛋膜、蛋清、成型蛋黃、氣室等複雜結構嘅製成品。相比之下，一個最粗糙嘅塑料製乒乓球都要0.5-1元。
2005年8月－2006年7月	「工業鹽」假冒「食用鹽」	2005年8月至2006年7月間，徐建國將780噸工業鹽，重新包裝成假食鹽，以低喺食用鹽嘅市價六成嘅價格銷售，非法牟取暴利。工業鹽多含亞硝酸鹽類，食用後會出現慢性中毒徵狀；如果長期食用，可引致人肝中毒以至於發生肝癌導致死亡。徐建國被判處有期徒刑7年。
2006年	蘇丹紅鴨蛋或者係雞蛋	部份蛋商為生產高價紅心蛋，違法喺雞蛋或者係鴨蛋中摻入致癌物質蘇丹紅。睇「蘇丹紅事件」。
2006年	毒比目魚	上海檢驗發現，俗稱歐洲比目魚嘅多寶魚嘅樣本中含有致癌嘅抗生素硝基呋喃，含量最高達每公斤一毫克（1ppm）。用咗硝基呋喃類代謝物、氯黴素、環丙沙星、孔雀石綠、紅黴素同雌激素，以催生魚苗長大。
2007年	有毒寵物食品	美國食品藥物管理局檢驗發現，中國所生產嘅寵物食品主原料小麥筋蛋白裏面含有有毒工業化學物質三聚氰胺同三聚氰酸，以假冒蛋白質，造成美國、加拿大幾萬隻寵物死亡。睇「2007年美國寵物食品污染事件」。
2007年	大便臭豆腐	將豆腐以糞水、餿水以同有毒化工染料硫酸亞鐵泡製，以加速臭豆腐嘅發酵變臭同上色。
2008年	中國奶製品污染事件	河北石家莊三鹿集團生產嘅三鹿牌嬰幼兒配方奶粉，被驗出含有三聚氰胺，導致喺甘肅、江蘇等多個省市出現多名嬰兒有腎結石。稍後，包括伊利、蒙牛、光明、聖元同雅士利喺內嘅22個廠家69批次產品中都檢出三聚氰胺，最後事件擴散開來，唔止係奶粉，中國所有奶製品同麵粉製品都普遍受到三聚氰胺污染，嚴重程度超越2007年嘅出口美國嘅寵物食品，被諷刺為「中國人不如美國狗」。三鹿集團董事長獲判無期徒刑，直接生產毒牛奶嘅兩名主犯被判處死刑並執行。
2008年	黑心碳酸氫銨膨化劑	中國製造碳酸氫銨膨化劑（俗稱銨粉）被檢出含有超量300ppm嘅三聚氰胺，台灣同馬來西亞宣布，即日起全面禁止進口中國製碳酸氫銨，後檢查出中國產小蘇打、發泡劑、檸檬酸鈉、靛藍中都有三聚氰胺。
2008年	黑心麵粉	部份製造麵粉被查出違法添加大量滑石粉，長期食用將產生高血鎂症，造成肝、腎同神經方面傷害、口腔潰瘍同牙齦出血，後又查出山東麵粉唔單只含滑石粉，重含有洗衣粉、氫氧化鈉等化學原料用來漂白。
2008年	毒水餃	由河北省石家莊市天洋食品廠出口到日本嘅水餃被檢驗出含有農藥甲胺磷同DDT成份，造成二百幾人中毒，中國政府原先堅稱嗰批水餃係喺日本被落毒，但河北省公安喺2010年3月27號逮捕下毒工人呂月庭，證實毒藥來源的確係源自中國 。投毒犯呂月庭被判處無期徒刑。睇：「2008年中國製冷凍餃子中毒事件」。
2008年	假酒	以工業用甲醇製造，可引致失明、肝病、甚至死亡。睇廣州假酒中毒事件。首犯程才明一、二審皆被判處死刑。而實際上中國大陸假酒已經氾濫到政府都無從下手查處嘅地步，如貴州茅台酒，全國有一年產量僅60噸，然而一年交易量超過12000噸，亦都係話95%以上都係假酒。
2009年	注水肉	部份肉販為增加肉品（主要係豬肉同牛肉）重量以牟利，喺屠宰前將動物強行灌水，或者係者屠宰後向肉內注水製成，注水可達淨重量嘅15-20%。同其他事件唔同，注水肉已經成為一個全國性嘅，幾乎無法查處同整治嘅難題。詳見「注水肉」。
2009年	塑膠珍珠粉圓	部份飲料商為節省成本，珍珠奶茶中唔單止冇奶（以食品添加劑沖泡），而且將珍珠粉圓添加高分子材料－塑膠，以增加彈性，而呢種產品早已經喺全國嘅米線、米粉中大量用咗，並唔係秘密。
2009年	農藥饅頭	部份饅頭業者為提高饅頭嘅筋度同口感，將農藥二氯松（俗稱敵敵畏）等有毒物質加入去，並用咗硫磺熏蒸漂白以增加賣相，網上曝光後，亦有從業者稱上述方法已被淘汰，而家亦有用洗衣粉同漂白粉提色，用碳酸氫鈉同氨水增加口感嘅工藝取代。
2009年－2010年	羊尿鴨肉	青島四方工商分局查獲羊肉商販以羊尿浸鴨肉，令​​鴨肉帶有羊羶味，冒充羊肉販賣，同時顯露出大陸城管大肆非法捕殺城市中嘅流浪貓、狗等寵物，然後轉賣至商販用嚟整呢啲肉串。喺2010年重爆發羊尿貓肉事件。
2009年	人造豬血	湖北武漢市工商局查獲，市面上生產嘅豬血大都係僅以少量豬血，混合甲醛、工業用鹽、玉米粉、染色劑凝固而成嘅人造豬血，其中甲醛係高毒性物質，食用後，會致癌同埋畸型。而工業用鹽中嘅亞硝酸鹽，大量攝取會導致體內缺氧，轉變為強烈致癌物質亞硝胺。
2009年	藥水豆芽	用咗消炎藥、抗生素、生長激素將原本10日生長期嘅豆芽，加速到只要3日就出得貨。用咗無根劑抑制根部生長，提高豆芽嘅莖部生長，提高產量30%以上，令1斤嘅黃豆或者係綠豆發出近20斤嘅豆芽。用咗消毒水防腐，以延長豆芽可販賣嘅日數。用咗漂白水美白，增加豆芽嘅賣相。
2010年	膨風水果	部份農民為令水果生長週期縮短、增大果實體積而噴灑被禁用嘅膨大劑，用膨大劑栽培而成嘅水果雖然體積特別大，但入面就係空心嘅，而且食落淡而無味，長期食用會危害腎臟。
2010年	地溝油	不法商人將餐廳排放至水溝中嘅膏狀廢​​油撈取後，經過濾、加熱、沉澱、分離等程序，提煉成為「食用​​油」，再以低價轉賣畀餐館。地溝油內含致癌物質、細菌、病毒、重金屬，毒性係砒霜嘅100倍，甚至喺重慶市區，地溝油已經成為公開嘅秘密，市民甚至可以同餐館老闆毫不避諱講呢件事。目前已審判嘅生產地溝油嘅不法企業主有一人獲死緩，三人獲無期徒刑。睇：「地溝油」。
2010年	染色青豆	中國湖南公安查獲不肖商人，將黃豆浸泡喺有毒化學液體、色素同埋防腐劑中，加以增重並染色偽裝成高價嘅青豆販賣。
2010年	假牛油	喺大陸周圍買得到嘅四川麻辣火鍋鍋底包裝，理應加牛油嘅鍋底食材，但大陸媒體批露係加咗包裝材料用嘅石蠟。
2010年	泥巴海馬	廣州部份乾貨商所販賣嘅乾海馬肚中被填充大量泥巴同澱粉藉以增加重量。
2010年	假雞蛋	遼寧假雞蛋氾濫。
2010年11月	有毒白桃水果罐頭	山東白桃去皮，為咗慳時間，竟然加入俗稱火鹼，亦即係工業用化學原料氫氧化鈉，最後工人徒手將冒牌嘅黃桃，直接裝入未經消毒嘅玻璃罐，準備裝箱運往各地賣。
2011年4月	黑心染色饅頭	上海盛祿食品嘅「染色饅頭」事件，超過保存期限嘅饅頭，回收絞碎後再當成原料進行製造。並且用咗大量嘅食品添加劑（食用色素、蜜糖精、防腐劑），偽裝成玉米饅頭、雜糧饅頭。事件曝光後，上海市質量技監局吊銷上海盛祿食品有限公司分公司嘅食品生產許可證。
2011年4月	毒生薑	湖北省宜昌市工商所執法人員喺一座大型蔬菜批發市場內查獲近1噸「毒生薑」，專家話等於係食用慢性毒藥。
2011年5月	污水饅頭	廣東省深圳市發現咗一啲污水饅頭，用過期變質嘅麵粉、膨鬆劑、乳化劑、氧化劑、增白劑等有毒用料製作「又白又大」嘅饅頭。
2011年5月	毒海參	上海瀋陽市拘捕兩人，以利用甲醛、火鹼、雙氧水、磞砂等化學原料浸泡海參，改變劣質海參色澤同體積，變上等貨牟取暴利。食用有毒海參會令中樞神經受損。
2013年5月	毒生薑	喺生薑嘅種植用咗唔用得喺生薑嘅劇毒農藥「神農丹」。
2014年7月	過期肉類	上海福喜食品有限公司向麥當勞同埋肯德基提供過期原料。

其他，待查

• 以下為有待驗證嘅中國黑心食品：

黑心食品名	簡介
皮鞋煉奶	以爛皮鞋破皮帶經化學程序提煉出人造蛋白，作為牛奶原料，人造蛋白中含有一種叫「六價鉻」嘅物質，長期食會損害人嘅神經系統，嚴重嘅重會導致重金屬中毒。
民工糧	含黃麴毒素嘅米。
硫磺饅頭	以化工原料硫磺燻麵粉，令麵糰發得更大、蒸出來得饅頭更雪白。
毒麵筋	含有劇毒三聚氰胺，出口至美國製成寵物食品同飼料，令好多寵物病死。
桶裝蒸餾水係自來水	以自來水冒充蒸餾水販賣。
黑心豬血	以水溝收集而來嘅豬血、牛血同餿水油製作而成，造成廣州幾十名民眾中毒送醫急救。
假牛油	以包裝材料用嘅石蠟製作而成。
毒比目魚	用咗硝基呋喃類代謝物、氯黴素、環丙沙星、孔雀石綠、紅黴素同雌激素，以催生魚苗長大。
瘦肉精豬肉	豬隻飼養時飼料添加過量瘦肉精，令殘餘量唔合標準<!- -如果有殘餘量嘅檢驗報告可以當作參考，請加入參考，因為美國日本都沒有禁用瘦肉精，係否應該把符合美國日本標準嘅殘餘量當成黑心食品？ -->。
有毒海參	利用甲醛、火鹼、雙氧水等化學原料浸泡。
假有機蔬菜	用殘留嘅混衝蔬菜打包，哄抬價格上市。
香河3911毒韭菜
氨水龍口粉絲
有毒大米	將工業用油噴灑到大米中，以提高米嘅亮度同色澤。
黑心椰果	以雙氧水漂白。
毒味精	利用化肥尿素提煉而成。
有毒大閘蟹、海產	養殖過程中用咗大量氯黴素、土黴素、乙醇、痢特靈、諾氟沙星、恩諾沙星、病毒靈、多西黴素、己烯雌酚等藥物，並以死貓、死狗、死鴨禽等動物屍體餵養。
有毒黃花菜	為咗令黃花菜外觀鮮艷持久，而加入大量對人體有害嘅焦亞硫酸鈉。
黑心水果罐頭	用咗具有強烈腐蝕性嘅工業用火鹼來去水果皮，重將工業用色素同糖精當成罐頭原料。
黑心粽葉	添加二氧化硫。
黑心辣椒	工業鹽浸泡製作而成。由喺工業鹽雜質高、顆粒大、唔含碘，雜質容易沉澱堆積喺人體內，導致食嘅人冇碘、中毒而死。
黑心湯料	德國檢驗出中國生產嘅湯料中添加咗致癌軟化劑，呢種軟化劑會損害遺傳基因。
黑心粉絲	由中國廣東省佛山市所生產嘅粉絲中驗出含致癌物質「G​​B254」工業石蠟。
有毒蝦類	台灣行政院衛生署檢驗出中國蝦類含有禁藥硝基呋喃代謝物。
有毒芝麻香油	以香油精、粟米油同黑油（棉籽油）混合製作而成。其中棉籽油含有大量棉酚、棉酚紫、棉綠素等具有細胞毒素同血管神經毒素嘅有毒物質，食用後會造成人體嘅胃同腎臟損害。
黑心話梅	用咗致癌工業原料同硫磺醃製有毒話梅，最後用工業染料來漂白，再用二氧化硫消毒。
黑心麥芽糖
皖毛毛「問題粽」事件|​​|（超過2年嘅粽，換新粽葉，再包裝後，繼續賣，叫作【問題粽】？）
有毒青花魚	日本警方查出由中國進口嘅青花魚含有劇毒「二氯松」。
黑心乾蓮藕	中國生產嘅乾蓮藕為咗令顏色更加潔白，添加過量漂白劑達2872.65ppm，比台灣國家標準500ppm超出五倍多。
有毒包、蔬菜捲	日本檢驗出中國製冷凍包含有高濃度嘅「達馬松」，同公司生產嘅冷凍蔬菜捲含有超出安全標準值4倍嘅有機磷劇毒農藥「福瑞松」。
黑心蕨菜、蘑菇	中國生產嘅蕨菜以硫酸銅同電池原料氯化鋅還原定色，並添加苯鉀酸鈉、山梨酸鉀等防腐劑；蘑菇則添加硫酸鈉、乙二胺、同酸二鈉令佢增亮，幾年都唔甩色，若長期食用，將造成人體肝臟損傷與致癌嘅危機。

以下係重未（難以）證實真假嘅黑心食品：

• 水煮活貓
• 洞庭湖老鼠變乳鴿？
• 回收舊餡月餅
• 光明牛奶嘅回奶事件
• 四川彭州嘅毒泡菜
• 糖精水勾兌嘅劣質葡萄酒
• 非食用冰醋酸嘅山西老陳醋
• 雀巢奶粉碘超標
• 哈根達斯（Häagen-Dazs）嘅黑作坊生產事件
• 敵敵畏（dichlorvos）毒金華火腿
• 吊白塊食品
• 北京毒蘑菇
• 其他：病死豬肉、毒香腸、工業魚翅、毒瓜子、黑腐竹、尿泡雞、死狗肉、千人涮鍋、變味醋、抗生素螃蟹、黴甘蔗、毒粉條、整容紅棗 。

以下係仍具有爭議性嘅食品（應唔應該歸類為黑心食品，重有爭議）：

事件發生或者係曝光時間	食品名	簡介
2009年	稀釋果汁	中國全國人大代表黃輝球喺全國人大批評「一個蘋果能榨出5扎蘋果汁，一個西瓜能榨出20多扎西瓜汁，這樣的鮮榨果汁你敢喝嗎？事實上就係添加劑！」。
2009年	化學合成雞精、奶精	中國消費者協會調查發現奶精唔含奶、雞精都唔含雞，而係由化學物合成。（但黑心與否應視成份而定，用咗食品添加劑可能做出類似嘅味道。呢個係飲食業嘅慣例，只要前題係對人體無害。如美國嘅TANG果珍飲品，都係完全人工合成，並冇橙嘅成分。）

睇埋

• 中國山寨