中國

  呢篇文章講嘅係經過幾千年中國歷史、地理、政治、經濟，文化各方面。想搵「中國」其他意思，請睇「中國 (搞清楚)」。想搵「中華」含義，請睇「中華 (搞清楚)」。想搵自1949年建立政權，現今實際控制中國大陸、香港、澳門嘅政權，請睇「中華人民共和國」。想搵自1912年成立，目前實際控制台灣、澎湖、金門、馬祖嘅政權，請睇「中華民國」。

  「中土」跳轉到呢度。想搵中土嘅第個意思，請睇「中原」。

中國
繁體字	中國
簡化字	中国
標音 官話 - 中文拼音 Zhōngguó - 通用拼音 Jhong1guo2 - 威妥瑪拼音 Chung1kuo2 - 國際音標 [ʈʂʊ́ŋkwǒ] - 國語羅馬字 Jong gwo - 注音第二式 Jung1guo2 - 注音符號 ㄓㄨㄥㄍㄨㄛˊ 第啲官話 - 小兒經 ﺟْﻮ ﻗُﻮَع ‎ 閩語 - 閩南語白話字 Tiong-kok - 閩東語平話字  Dṳ̆ng-guók  吳語 - 拉丁化 Tson平kueh入 湘語 - 國際音標 [tan55kua13] 粵語 - 粵拼 Zung1gwok3 - 耶魯拼音 Jūnggwok 贛語 - 贛語白話字 Tung-koe̍t 客家話 - 客家話拼音 Dung24Gued2

中華人民共和國（紫色）同 中華民國（橙色）目前管轄區域，中華人民共和國（政府）目前實際統治大陸地區同港澳地區，中華民國（政府）目前實際統治臺灣地區，島嶼標記係方便區分並非實際大細。

中國（粵拼：zung1 gwok3；簡化字：中国），一詞出自本位主義思想家，將自己住嘅地方比作「天下中心」（世界中心），又稱中原。由黃河一帶興起古代文明，後經過幾千年改朝換代同對外戰爭，最後統一成為今日中華人民共和國同而家未被國際承認嘅中華民國，而合計嘅國土面積係全球第三大國，貼近加拿大同俄羅斯。「中國」一詞近200年較常使用，並先後有政權用「中國」嚟做國號。現代國際政治概念上，「中國」成為以漢族為首嘅民族國家。

國家定義

一般嚟講，「中國」有幾種唔同但係相關嘅意思：

• 歷史上，自三皇五帝嘅傳說時代開始，經歷一系列朝代連埋一齊嘅「歷史整體」。
• 地理上，位於歐亞大陸東部，太平洋西岸，係世界上人口最多、地域最遼闊嘅國之一，中國版圖由18世紀成形。
• 政治上，經歷過以上變革現存嘅兩個政治實體，有：現實控制中國大陸、香港、澳門地區嘅中華人民共和國中央人民政府，同政治中心由中國大陸地區遷移到臺灣地區嘅中華民國政府。

詞源

「中國」一詞嘅用法五花八門，講唔同語言，政治觀點或意識形態嘅人可能，對中國嘅地理範圍同歷史上各政權嘅正統性同彼此之間嘅關係，理解、稱號有好多款。

稱號有：

• 本土稱號：中華、中原、中土、漢國、大秦、大唐等等。
• 外文稱號：支那、釵拿。

「國」

古代漢語中嘅「國」唔等同現代嘅「國家」。

目前所知「中國」呢個字最早出喺《尚書·梓材》中，入面話：「皇天既付中國民，越厥疆土，於先王肆。」嗰陣「中國」嘅含義只不過係周朝嘅人對自己居住嘅地方嘅稱謂，佢哋認為自己喺大地嘅中心，而四周嘅民族就分別俾佢哋叫做蠻、夷、戎、狄。

「國」最初嘅意思係天子、諸侯所居住嘅築城嘅地方（以及周邊近郊），更遠統治嘅地方稱「野」，「國」對天子可指京畿，好似「國人暴動」。當然諸侯方面亦可以用「國」。好似（衛）懿公好養鶴，鶴有祿位，狄人入侵，「國人不出戰」，招致滅國。（參考來源）因此，就是要加「中」來修飾「國」至可以明確表示「京畿」嘅含義。

隨住歷史嘅發展，各政權嘅直接統治範圍不斷擴大，至春秋「國野」已逐漸不分，原先稱「野」嘅地方亦可以叫「國」，「國」指代嘅範圍就係噉逐漸擴大。隨住兼併更加劇烈，進而秦統一各國，「國」嘅概念開始趨向於「地方」、「地帶」，好似「北國」、「南國」、「水鄉澤國」、「雪國」。

「國」亦俾人用來抽象咁指某一地理區域嘅政權同人民，好似「治世不一道，便國（有利於國）不必法古。」（《商君書》），呢種用法接近今日所講嘅「國家」一詞。

史前

世界已發現嘅最早嘅高等靈長目動物中華曙猿喺4500萬年之前中國江南一帶住。由考古發現知，224萬至25萬年前，中國就有直立人，例如巫山人、元謀人、藍田人、南京直立人、北京直立人。中國嘅信史有三千幾年（目前最早嘅考古證據顯示中國最遲喺公元前3700年前出現咗國家體制）；但係賈湖文化遺址入面出土嘅一批契刻符距離而家有成八千到一萬年，係關於文字起源已發現最早嘅實物資料。

史

内文：中國史

夏朝係傳說中，中國第一個朝代，周朝係最長朝代，經歷37代天子，八百幾年，到咗公元前256年先至被秦國吞併。中國漢唐兩朝係鼎盛時期，至今重有華人自稱唐人，而漢族亦因此著稱。

中國係世界文明最早嘅發源地之一，亦係人類歷史上自己創建文字體系嘅文明之一（另外重有古埃及、古希臘、古印度、瑪雅文明同埋兩河文明）。中國文明嘅歷史至少可以講到四千幾年之前，有文字記載嘅歷史亦有三千幾年。喺大概公元前二十世紀，中國進入咗世襲王朝嘅階段，總共經歷咗夏朝、商朝、周朝、秦朝、漢朝、晉朝、南北朝、隋朝、唐朝、宋朝、元朝、明朝同清朝等等，喺朝代交替嘅時候重經歷過好多動亂同埋分裂時期，有春秋戰國時期、三國時期、五胡十六國時期、五代十國等等。喺清朝末年，西方嘅民主主義同共產主義等思想傳入中國，令中國三千幾年嘅集權王朝時期結束，中華民國同中華人民共和國亦都相繼成立。

人口

2000年中國人口已達到12.95億人。2006年經過統計人口有13億，排世界頭位。2010年人口已達到14億，2011年有14.1億人。

民族同埋民系

已確認民族有56個。漢、壯、藏、蒙、回、滿係最大嘅六個民族。此外重有好多未確認民族，例如穿青人、僜人等。

其中漢族佔全國人口九成；壯族主要住喺廣西，有千六萬人；回族同埋滿族亦各有大概一千萬人。

語言

中華人民共和國政府同中華民國政府都列官方話係普通話，係官話嘅一種變體，由部分北京官腔同埋北方口音嘅混合組成，而同時官話各地都有自己嘅方言，譬如西南官話。喺國際標準化組織（ISO）嘅639-3號語言代碼表入邊，官話、粵語、吳語、客家話、贛語、湘語、晉語、徽語、閩南語、閩東語、莆仙語、閩北語、閩中語為當代嘅獨立語言（Individual languages），而漢語就作為宏語言（Macrolanguage）。

宗教

多宗教，其中佛教、道教同儒教最多人信，原始宗教喺一啲地區流行。唐時亦流行三夷教：祆教、景教、摩尼教。近年天啟宗教好似天主教、基督新教同回教都多咗人信。

睇埋

• 中華民國、中華人民共和國
• 中國概述
• 中國傳統文化
• 中國人
• 中國史
• 中國地理
• 中國統一
• 中國歷代官方語言
• 中國國學、中國史學史
• 中國政區
• 中國首都
• 中國憲法
• 中國國旗
• 中國新聞史
• 中國人物相關一覽
  • 中國君主一覽
  • 中國皇后同妃嬪一覽
  • 中國君王仔女一覽
  • 中國公主一覽
  • 中國宰相一覽
  • 中國總統
  • 中國總理
  • 中國以人名命名嘅地名一覽

注釋

註

參考

有關嘅書

• 胡耀華：〈對“中國”概念演變及地緣內涵的分析〉。
• 黃俊傑：〈論中國經典中「中國」概念的涵義及其在近世日本與現代台灣的轉化〉。
• 趙岡：〈論中國傳統社會的性質〉。