Wikipedia:2013年頭版設計建議/草案/Ivanlam88

海納百川，有容乃大 維基百科 人人都寫得嘅自由百科

粵文版而家有 143,303 篇文章 285,515 位用戶 2,221,289 次修改

是日正文 蒸氣機運作圖例。 機械，粵文又有叫機器或者簡稱機，定義上係指某一啲特定類型嘅結構：一部機械具有唔郁嘅部份同曉郁嘅部份，重點特徵係能夠產生、轉變、或者運用機械能（令啲物件郁動嘅能量），並且用機械能達到某一啲特定嘅目的。一部機械會有一個功率來源，可以係人類同馬等嘅動物，又可以係風同水等大自然物體所施嘅力，又可以係熱力同電等嘅能量來源；部機械內部會有某啲機制，機制將呢啲輸入變成其設計者想要嘅輸出；呢啲輸出跟手可以做一啲有用嘅工作。 舉個例子說明，好似係一個電摩打噉，一個摩打會由電嗰度攞功率（輸入），跟住佢內部嘅有一啲特殊設計嘅部件（機制），令到佢每逢收到電能量，就會某啲部位旋轉（輸出），而呢個旋轉嘅部位如果（例如）駁落去一個車轆嗰度，就可以用嚟驅動一架車（用途）。再廣義上啲噉睇嘅話，「機械」呢個詞唔只包呢啲力學性嘅結構，仲可以包括埋一啲運作嗰時主要產生、轉變或者運用機械能以外嘅能量做嘢嘅結構，例如係電腦噉，就係一啲以非力學方式做運算嘅機械。 機械可以好簡單，又可以好複雜：六大簡單機械包括咗六款最基礎嘅機械，例如係槓桿同輪軸等，呢啲機械雖然簡單，但就能夠明顯噉令到人類施力作功嗰陣效率提高（用更少嘅力做更多嘅嘢）；另一方面，廿一世紀嘅機械可以複雜得好交關，例如係汽車、船、飛機、家用電器同埋係工廠嘅機械等，呢啲機械有好多組成部份，有啲甚至會內置埋感應器同電腦，曉監察自身做嘅工作係咪順利進行緊以及做一啲好繁複－好多時人手做唔到－嘅運算。呢啲各式各樣嘅機械喺各種行業當中都扮演咗不可或缺嘅角色。 (成篇文章……) 以前嘅正文： 記憶 – 注意力 – 蝴蝶 你知唔知... ...虛擬廣告 (圖) 係一種插入式廣告技術，可以令球場上嘅電子廣告牌喺唔同地區嘅電視觀眾面前顯示唔同嘅廣告內容？ ...局部類固醇戒斷症狀會影響皮膚，包括皮膚發紅、有灼熱感同痕，跟住仲可能會甩皮？ ...西敏寺鐘聲由五個樂想抽出嚟組成，世界多地都有人用過？ ...寫程式用回呼函數，被指會令程式更加「可返用」？ ...《友誼萬歲》呢首新年歌曲，查實出自蘇格蘭？ ...識得同人傾計嘅 ChatGPT，用咗大型語言模型嘅技術？ ...時間管理相關嘅討論講到，一個人做嘢要考慮唔同工作嘅重要度同緊急度？ ...喺台灣，中華大學將會同國立清華大學合併？ 是日靚畫 平成係日本上皇明仁（或平成天皇）嘅年號，昭和之後，令和之前，由公元1989年1月8號開始到2019年4月30號平成天皇退位嘅時候結束。 圖片來自：人事院 舊圖 - 更多正圖...

時人時事 美國舉行咗第60屆美國總統選舉（選舉人分佈圖），結果當勞侵大勝賀錦麗，重返白宮。 喺黎巴嫩嘅無線通訊設備爆炸之中，已經有最少42人死，3500人傷。 當勞侵禍不單行，佛羅里達州有人疑似企圖再次暗殺佢，警察用持槍罪拉咗個疑犯。 當勞侵喺賓夕凡尼亞州嘅畢拿為年底總統大選造勢期間遇刺，兩死三傷。 當勞侵揞口費案結果出爐：34條偽造商業紀錄罪，全部罪名成立。 伊朗發生直升機失事，其中乘客包括伊朗總統萊希。 格魯吉亞國會通過非常受爭議嘅外國代理人法案，首都第比利斯持續爆發大型示威，要求撤回呢條法案。 臺灣花蓮外海發生咗黎克特制7.2級強烈地震，係臺灣自1999年集集地震以嚟最嚴重嘅地震。 當年今日 1月9號： 1839年：法國科學學會喺巴黎公佈達蓋爾發明嘅達蓋爾銀版法（Daguerreotype）技術。 1972年：董浩雲旗下嘅「伊利沙伯王后號」（圖）喺改裝成海上學府期間著火焚毀，跟住沉入香港嘅維多利亞港。 1989年：澳門政府突然宣佈特赦境內所有未滿18歲嘅非法入境者。唔少家長心急帶啲仔女去登記。呢個係澳門自1982年以嚟另一次特赦。 2001年：中國太空船神舟二號發射。 2005年：巴勒斯坦民族解放運動（法塔赫）提名嘅候選人阿巴斯宣佈贏咗巴勒斯坦大選，當選巴勒斯坦民族權力機構主席。 上幾日：1月8號 – 1月7號 – 1月6號

幫助櫃枱 問下點用維基百科。

詢問處 好似個圖書管理員。有唔同志願人士解答你各科疑難。

城市論壇 傾下維基百科本身嘅嘢，例如技術同方針。

社區大堂 維基百科唔同方面嘅壁佈板，計劃，資源，活動。

網站新聞 維基百科同維基基金會嘅宣佈，更新同新聞發佈。

Embassy Tourists are most welcome to the embassy district of Wikipedia Cantonia.

維基媒體基金會嘅其他計劃：

	Commons 自由嘅多媒體資料庫		MediaWiki Wiki軟件開發		維基元 協調各個維基計劃
	維基書本 教科書、說明書		維基數據 自由嘅知識庫		維基新聞 自由嘅新聞資源
	維基語錄 名人名言大全		維基文庫 自由嘅原文檔儲存庫		維基物種 自由嘅物種資料庫
	維基學府 自由嘅學習材料同活動		維基遊埠 自由嘅遊埠指南		維基辭典 同埋同義詞辭典