Portal:廣州

廣州指南

廣州（粵拼：gwong2 zau1，英文：Canton/Kwongchou），簡稱穗（seoi6），亦叫省城、羊城、花城、穗城、粵垣，目前歸屬中華人民共和國嘅嶺南嘅一個特大型城市、國家中心城市，係廣東省嘅省城、副省級城市，亦係廣東省政治、經濟、文化、科技、教育嘅中心同交通樞紐，面積7434.4平方公里。廣州重係華南地區最大、歷史最耐嘅對外通商口岸同中國歷史文化名城。廣州喺正廣東省中間、珠江三角洲嘅北邊，有西江、北江、東江流經，南邊珠江口出南海，鄰近港澳，中國大陸度被睇作係渠嘅「南大門」。

同廣州有關嘅嘢 | 同廣州有關嘅主題

編輯

今日正文

廣州電車（粵拼：gwong2 zau1 din6 ce1）係廣州市嘅一個無軌電車系統，由廣州市電車公司負責營運。呢啲電車主要行越秀區、海珠區、荔灣區、白雲區同天河區。廣州電車嘅誕生，令廣州成為華南地區唯一有無軌電車系統嘅城市。廣州電車亦係廣州用得最耐嘅交通工具之一。

編輯

11月嘅正圖

南溟黎公祠，堂號潤澤，係崙頭黎氏四世祖南溟公嘅祠堂、廣州市文物保護單位。

編輯

你知唔知…

粵文維基百科DYKs關於廣州嘅新文章：

...廣州嘅臘味世家皇上皇，喺香港落腳後以「噴火雪糕」成為唔少港人嘅童年回憶？

...廣州三元里人係喺正月十八先過元宵節，係聯誼舊恩洲十八鄉嘅傳統之一？

...廣州嘅末代探花商衍鎏（圖），喺第一次世界大戰前，建立咗德國嘅第一間漢學研究中心？

...廣州市嘅越秀區圖書館喺東山口署前路8號，每個禮拜開足7日，同埋十幾間分館，每年服務近百萬市民？.

...廣醫三院入邊有個林護堂，係廣州柔濟醫院嘅早期院舍，廣州市長孫科仲同間屋寫埋招牌？

編輯

省城文化

五層樓係真正嘅廣州地標，但而家啲人覺得「扭紋柴」先係。
海山仙館係清朝商人潘仕成嘅花園，被譽為「嶺南第一名園」。
成珠樓係廣州歷史最耐嘅茶樓，亦係雞仔餅嘅發源地。
天寶行商人梁經國重視教育，喺琶洲島黃埔村設左垣家塾，並創造咗家族二百年書香嘅傳奇。
英國紅毛鬼曾經將衞氏大宗祠睇成衙門，重一炮打穿埲牆。
而家京廣鐵路南段就係1900年動工嘅粵漢鐵路，呢條鐵路前前後後用咗成36年至竣工。
沙灣鎮嘅留耕堂係「番禺四大宗祠」之一。
蜑家人以前係唔畀上岸、唔准同岸上人通婚嘅，後來周恩來總理視察廣州，喺濱江起樓畀佢哋上岸住。

省城文化板塊留底

編輯

廣州新聞

羊城晚報【2016年2月28號】廣州地鐵7號線最後一段隧道（漢溪長隆～鶴莊）區間右線卒之貫通。
廣州日報【2016年2月27號】致公黨廣州市委十二屆六次全委會議召開，會議通過咗致公黨廣州市第十二屆常委會2016年工作報告。
廣州日報【2016年2月27號】廣東新增兩例輸入性寨卡病毒感染病例，兩人都係從委內瑞拉搭飛機來廣州白雲機場。
羊城晚報【2016年2月27號】 2016年廣府廟會民俗文化大巡演喺省人民體育場搞，廣府地區名人亦來撐。
廣州日報【2016年2月27號】廣州市真光中學高中部好多學生食飯堂飯之後又屙又嘔。據區疾控中心鑒定，懷疑係諾如病毒傳染。