Wikipedia:最近加入/2018年

< Wikipedia:最近加入

你知唔知 (T:DYK)
規則同埋規例 (WP:DYK)
討論 (WT:DYK)
建議 (T:TDYK)
舊文 (WP:DYKA)

呢個係啱啱登上過頭版嘅你知唔知？嘢嘅紀錄。之前加咗嘅新文，大幅由之前嘅楔文擴展，同埋最近升格咗做好文係有資格嘅，你亦都可以遞交佢哋去考慮。

啲歸檔係以每年之前喺頭版出現過。要搵乲前喺「你知唔知？」出現過嘅舊文事實，返去嗰篇文嘅左手邊度撳『有乜連過嚟』。跟住揀Wikipedia空間名再撳「去」。當你搵到『Wikipedia:最近加入』同埋一個數字，撳入去再搵嗰篇文章嘅名。

現時歸檔

2006年 · 2007年 · 2008年 · 2009年 · 2010年 · 2011年 · 2012年 · 2013年 · 2014年 · 2015年 · 2016年 · 2017年 · 2018年 · 2019年 · 2020年 · 2021年 · 2022年 · 2023年 · 2024年

改呢個DYK歸檔導航模

你知唔知...

請喺每一個月嘅最頂度加入一行 ==={{subst:CURRENTYEAR}}年{{CURRENTMONTH1}}月=== ，喺DYK模拎走個鈎嗰陣可以放入去。呢個係肯定全部嘅時間係以UTC時間做基準同埋準確。呢版應該每年歸檔，唔該晒。

2018年12月

...廣州嘅末代探花商衍鎏，喺第一次世界大戰前，建立咗德國嘅第一間漢學研究中心？
...喺建築學上，一棟建築物要滿足三個原則先算「好」？
...澳洲檔案專家戴雅文認為立法規管公共檔案好緊要，喺1960年代促成斐濟立法，而喺1972年受聘於香港政府主持建立檔案處？
...香港政府檔案處前署理處長朱福強退休之後一路敦促香港政府立「檔案法」，以保護公共檔案？
...管理學上嘅研究有得由個人層面探討個別員工嘅屬性，又有得由組織層面去探討一個組織整體嘅屬性？

2018年11月

...植物都具有好簡單嘅智能？
...粵籍中華民國陸軍二級上將張發奎攞過大英帝國司令勳章，而後半世三十年喺香港度過？
...組合語言呢種程式語言會用羅馬字母嚟代表一啲部電腦內部會用數字嚟代表嘅指令？
...吉川春子做過4屆足足24年日本參議員？
...美國天文學家珍妮花懷士文仲讀緊本科嗰時已經發現咗粒彗星？
...放射性定年法係科學界最常用嚟測定啲物件嘅年代嘅方法？
...電腦圖像係電子遊戲產業搞得成嘅主要原因？

2018年10月

...腦電波可以按頻率分做好多唔同種類？
...Gamma 波呢種腦電波喺早期嘅腦電波研究嗰度俾學界忽略？
...Theta 波呢種腦電波會喺一個冥想緊嘅大人嘅腦嗰度出現？
...UCDOS曾經係中國大陸喺1987～1998年間比較興用嘅MS-DOS平台屬下中文系統之一？
...Delta 波係主要腦電波類型當中頻率最低嗰隻？
...Beta 波呢種腦電波可以用嚟評估一個人係咪處於焦慮嘅狀態？
...Alpha 波呢種腦電波喺個人瞓醒咗但係唔郁合埋眼嗰陣時最強？

2018年9月

...根據對解迷宮演算法嘅研究，某啲類型嘅迷宮可以齋靠「將其中一隻手掂住個迷宮埲牆噉一路行」呢條法則嚟揾到出口？
...廣東地區掛嘅颱風警報信號係從2000年11月1號開始，實施用撈稿形式發佈嘅警告信號？
...廣州市嘅越秀區圖書館喺東山口署前路8號，每個禮拜開足7日，同埋十幾間分館，每年服務近百萬市民？
...有一種關聯謬論涉及講緊謬論嗰個人用伽俐略俾人排斥嘅歷史嚟撐自己個謬論？
...「Tu quoque」呢句拉丁文語句俾哲學家攞咗嚟做一種謬論嘅名？

2018年8月

...喺部分普通法地區，你部私家車，同你間屋一樣係城堡準則認可嘅可防衛場合？
...人工神經網絡呢種技術涉及咗運用電腦程式編寫嚟模仿動物嘅神經系統嘅行為？
...鑽油台係一種用嚟從水底提取石油嘅工程建設？
...做體育用品嘅新以泰開初係做文房四寶，有埋自製毛筆同印刷工廠？
...新計劃搬到芳村東洛圍嘅黃沙水產交易市場，喺2006年就開始話要搬但一路冇做到？
...哈爾濱糖廠呢間生產甜菜糖嘅國企廠，圍繞佢形成咗個社區，而佢嘅生產範圍仲包括飼料同味精？

2018年7月

...世界上有理神論呢種同時拒絕宗教又拒絕無神論嘅思想？
...松花江係黑龍江最大嘅支流，佢發源自長白山天池？
...訴諸群眾呢種諗嘢方式查實自相矛盾？
...布魯塞爾法文化係比利時從18世紀開始，鬥爭咗超過兩個世紀嘅捍衛語言運動嘅同時，一直以嚟係比利時當地最敏感嘅政治話題？
...「我有權發表意見」呢句說話時不時俾人攞嚟禁止其他人批評自己嘅意見？
...一個人喺各種認知功能上嘅表現係量度佢嘅智能嘅重要指標？
...地球個水圈入面超過95%嘅水都係鹹水？

2018年6月

...機器語言係對人類嚟講最難明嘅程式語言？
...老龍頭既係明長城東邊起點，又係長城唯一入海位兼海上敵臺，甚至係明長城東邊第一個關口同觀海樓閣？
...電腦程式設計有六個質素要求基準？
...北戴河奧林匹克大道公園係成個河北省唯一攞到「全國優秀體育公園」稱呼嘅公園，亦係第廿九屆夏奧組委會喺2002年4月開搞嘅公園？
...京津塘高速公路係中國大陸最早喐手起嘅高速公路？
...醫生成日會用腦電圖嚟診斷好似發羊吊同中風呢啲同個腦有關嘅病？
...有好多個品種嘅蟬曉利用質數嚟避開天敵？

2018年5月

...擬構上古漢語音系出名嘅中國語言學者鄭張尚芳係自學成才，自稱係「溫州圖書館大學」畢業嘅？
...堅持式打獵係早期人類用嘅一種打獵策略？
...范美忠事件係2008年汶川地震期間，中國大陸爆出嘅道德觀念醜聞？
...作曲家、填詞人鄭公山譽爲「越南嘅卜戴倫」？
...英國工黨現時包攬晒倫敦紐咸區嘅所有區議會議席？
...飛蛾會撲埋去啲光源度，有時仲會因為噉而整死自己？
...土木工程呢個專業負責設計同維修基礎建設，確保城市同村莊適合人類居住？

2018年4月

...2003年首播嘅《大長今》喺亞洲各地掀起咗韓劇熱潮？
...美國電影——挑戰者1號係借鑒咗1980年代部份遊戲同電影節目啲元素嚟搞？

2018年3月

...山高林密嘅老爺嶺生活住珍稀嘅野生東北虎，已經開闢咗自然保護區，仲諗住將來要做東北虎嘅國家公園？
...吊帶褲係種喺褲腰上邊裝咗挎膊頭嘅孭帶條褲？
...廣醫三院入邊有個林護堂，係廣州柔濟醫院嘅早期院舍，廣州市長孫科仲同間屋寫埋招牌？

2018年2月

...盲人門球係一項畀盲人參加嘅球類運動同傷殘奧林匹克運動會比賽項目？
...廣州有軌電車實質上喺1915年就開始搞計劃，不過因財政糾紛同戰事而一路冇做到一條穩陣嘅路線。係去到咗2013年11月11號先至搞成第一條路線？
...香雪亞洲飲料係廣州一汽水生產商，曾經喺1970年代賣到街頭巷尾嘅亞洲沙示係佢間工廠打造出嘅名牌汽水產品？
...黃河係中國第二長河、亞洲第三長河、世界第六長河？
...岑村機場早期時係由日軍開搞，後嚟先至轉交咗畀中華民國同中華人民共和國嘅空軍嚟做軍事機場用途？
...而家嘅廣州少年兒童圖書館同埋農講所西邊嚿地，曾經喺1903-1969年間屬廣州15中嘅所在地？
...先賢千乘侯祠係中國廣東廣州一古書院兼祠堂嘅同時，佢隔籬所謂「千頃書院」曾經係1905-1984年嘅廣州市第14中學嘅所在地？

2018年1月

...月相係從地球上睇月光個樣，隨日子嘅變遷而令每日個樣都唔同？
...夜間拍攝係種喺挨晚或晚黑時分，喺戶外地方影相或拍攝嘅行為？
...九曜石係座落喺藥洲入面嘅石堆遺址？
...綜合社會保障援助計劃（綜援）係香港以入息補助方法，幫助喺經濟上無法自給自足嘅人士？
...南沙天后宮係東亞同東南亞最大嘅媽祖廟，亦係有「天下天后第一宮」嘅稱呼嘅景區？
...香港小童群益會係香港最具規模負責兒童同青少年工作嘅非牟利組織之一？
...三國曹植《洛神賦》寫洛神，所寄託嘅係洛河嘅神仙？

由「https://zh-yue.wikipedia.org/w/index.php?title=Wikipedia:最近加入/2018年&oldid=1253709」收