維基百科

Wikipedia:城市論壇 (政策)/歸檔/2019年6月

< Wikipedia:城市論壇 (政策)｜歸檔
城市論壇 (政策) 歸檔  
呢版有來自城市論壇 (政策)嘅討論歸檔。請唔好響呢版度編輯裏面啲嘢。如果你想重新拎返出嚟討論嘅話，請響上面嘅版度開始一個新嘅議題或者用同嗰個題目有關嘅討論版。
歸檔： 
Archive 呢版係以往討論嘅歸檔，請唔好改呢版。如果你想發起新嘅討論或者重開家下嘅討論，請係家下討論頁做，唔該。

呢次嘅歸檔係由Shinjiman ⇔ ♨響2019年8月30號 (五) 03:39 (UTC)做嘅。[回覆]

EDP

編輯

（我從來都冇話照搬第d文嘅政策，從來都係參考。而主要參考嘅，當然係enwp、zhwp、jawp。所有咩維基精神，絕大部分都來自英文版。中文、日文用戶嘅文化、習慣相似，用戶多。但第d多人參與嘅維基百科當然亦可以參考。）

所有嘢都可以搬，唯獨是涉及EDP冇得搬。

EDP涉及版權。EDP來源係 https://foundation.wikimedia.org/wiki/Resolution:Licensing_policy 。所有EDP都要求符合美國法例同本地維基內容主要訪問地法例，呢度即係香港同PRC法例。就香港而言，香港法例允許公平處理，類同其它普通法轄區，但緊過美國。

就本地採用嘅EDP而言，長時間以來寫明係「similar to enwiki and zhwiki」，本地條文係照抄zhwp嘅。zhwp嘅，我睇同enwp嘅冇分別。所以本地EDP有十項要求。每一項依據EDP嘅聲請，都要符合。有d要求涉及本地使用方式，所以第d文點樣用同一個檔案，同本地完全無關。

要保留檔案，舉證責任在提出保留一方，要講點解符合要求。

（呢d嘢咁基本，有晒政策，但原來冇乜人跟。我姑且提一勻，懶得再反反複複單獨講。）

唔明嘅可以討論，可以自己去睇指引。搞事嘅請過主。--Roy17 (傾偈) 2019年2月11號 (一) 05:01 (UTC)[回覆]

建議盡快制定本地准入規則

編輯

近期某用戶發動嘅「大規模鏟走中國大陸村級地名」運動，再一次將粵維缺乏本地規則，嚴重依賴其他語言嘅百科嘅規則嘅困境暴露無遺。早期粵維最活躍嘅用戶同管理員大多出身英維，受到嗰邊嘅文化影響好深，因此認為「與其嘥時間制定規則，不如將啲時間用來寫文章」。但係我可以拍著心口同各位講：爾種諗法已經過澌時。

如果梵蒂岡都可以決定唔再自動採納意大利法律嘅話，點解粵維就唔可以決定唔再參照英維規矩？英維嘅規矩係針對英維制定嘅，喺制定嘅時候根本唔會考慮其他百科嘅需求，因此有啲規矩唔適合粵維係亙（gäng¹⁵）嘅。就拿類:香港私人樓為例，爾啲樓盤喺英維係肯定過唔到知名度爾關嘅，如果唔係粵維嘅本地規則有「粵地豁免」爾條嘅話，爾啲文章就算每篇有成百條參考都留唔低。另一方面，大維基一樣有收錄本族語區細地方嘅慣例，以法維嘅《法國海外領地城鎮一覽》為例，由人口大概14萬7千嘅留尼旺聖德尼到人口唔到一百嘅法屬圭亞那聖以利亞都有收錄。唔順超法維嘅可以睇埋英維嘅《懷俄明州城市一覽》，一樣係細到得4個長期居民嘅村仔都收。

歡迎各位回應（發動「大規模鏟走中國大陸村級地名」運動嗰個用戶除外）。【粵語文學大使殘陽孤侠】 2019年2月22號 (五) 20:09 (UTC)[回覆]

  • 本地嘅WP:SPEEDY可以適當因應情況作出修訂，建議針對長期而頻密遞交大量刪除請求或做大量刪改嘅單一動作追加限制條款，同埋加入更多嘅提刪審查（討論）時間嘅要求，以防止相關機制畀濫用。——Longway22 (傾偈) 2019年2月23號 (六) 08:36 (UTC)[回覆]

建議修改本地WP:SPEEDY

編輯

具體修改如下：

  • 「任何文章（即係淨係適用於百科全書文章，其他頁例如用戶頁、計劃頁等等唔啱用）如果有以下任何一個問題」修訂為「任何文章（即係淨係適用於百科全書文章，其他頁例如用戶頁、計劃頁、搞清楚頁等等唔啱用）如果有以下任何一個問題」；
  • 將「無根據」同「唔出名」改為要經過WP:刪文討論刪除嘅情況；
  • 「例如搬完頁之後淨返個冇用嘅跳轉」修訂為「例如搬完頁之後淨返個冇用嘅跳轉，或者無任何內容嘅跳轉討論頁」；
  • 「例如全頁都係超連結」改為「例如全頁都係連去出面網頁嘅超連結」；
  • 喺以上爾條下面加入「有超過一條藍鏈嘅搞清楚頁唔受爾條規矩限制」；
  • 喺規則最後加入「一事不再理」條款：
  • 如果管理員判定某一版唔適合快速刪除嘅話，任何用戶喺366日之內都唔可以就同一版再提第二次快速刪除；
  • 如果管理員喺WP:刪文討論道判定某一版唔應該刪除嘅話，任何用戶都唔可以再就同一版提出快速刪除。

歡迎各位回應（發動「大規模鏟走中國大陸村級地名」運動嗰個用戶除外）。【粵語文學大使殘陽孤侠】 2019年2月23號 (六) 18:32 (UTC)[回覆]

Wikipedia:標題習慣對地名嘅規定同粵維實際慣例唔同

編輯

最近留意到有人開臺灣政區文，全部都加「鄉」、「鎮」政區單位後綴（例如「頭屋鄉」而唔係「頭屋」）；但我印象中粵維習慣係「無撞名就唔加後綴」（例如「肇慶」、「懷集」，而唔係「肇慶市」、「懷集縣」）。本來我翻查Wikipedia:標題習慣想證明呢個慣例，但Wikipedia:標題習慣居然係規定『喺中國大陸嘅行政區嗰度，都要加返「省」、「市」、「區」、「縣」（內蒙古有部分地方用「旗」）嘅全名。......而臺灣嗰度就要加返「市」、「區」、「縣」嘅全名。』，如果要嚴格執行呢個規矩，閒閒地應該有幾百篇文都要改名。唔知大家覺得加唔加後綴好呢？--Jason6698 (傾偈) 2019年3月5號 (二) 15:47 (UTC)[回覆]

  • 基於歷史講政區本身有變動多樣，會有唔少含義同討論空間，建議修訂本地WP:NC#PLACE開頭嘅部分，如下：
  • 大中華大陸（與港澳臺）
    • 喺中國大陸嘅範圍內，屬於兩粵、海南等粵屬地區嘅地頭，標題唔使一定要顯示政區級數，只要內文可以標識清楚當其時嘅「省」、「市」、「區」、「縣」等嘅劃定，其他地域嘅參照前述，如撞到似內蒙古用「旗」等特殊地名劃定，標題度最好顯示埋以便識別呢類特殊地方。
      （舉例（粵區）：廣東、廣西、珠海、越秀、義烏、新豐）
    • 喺港澳度嘅地頭，亦唔使標題度顯示政區級數。
      （舉例：荃灣、尖沙咀、氹仔）
    • 而臺灣度嘅地頭，標題可參照上述編輯。不過注意，凡係遇到正式記錄文件寫嘅特殊地名用到「臺」字嘅，就一定用返呢個「臺」。唔係嘅話，就轉用「台」。
      （舉例：臺北市、桃園縣）

——Longway22 (傾偈) 2019年3月6號 (三) 02:59 (UTC)[回覆]

有後綴嘅多數都係講返有關嘅政區，冇後綴嘅多數都係指地埋上面嘅區域。好似香港嘅觀塘、觀塘區、荃灣、荃灣區、大埔、大埔區、沙田同埋沙田區等會有各自嘅意思，睇吓佢係講緊邊樣。 Shinjiman ⇔ ♨ 2019年3月8號 (五) 01:17 (UTC)[回覆]
可以明確分到觀塘、觀塘區寫兩篇文只係少數例子，但多數情況都好難分得開，譬如廣州同廣州市無理由拆開兩篇寫。我基本上都同意粵維沿用已久嘅慣例：「無撞名就唔加後綴」，不過去到邊個層次可能要再研究，省、市、縣應該就無乜爭議，但去到鄉、鎮、村、街道呢啲層次又係咪照省略後綴呢？查實粵維似乎一直以嚟都無認真傾過。況且呢篇Wikipedia:標題習慣完全係「霸王硬上弓」，未有討論過就被列做指引。--Kowlooner (傾偈) 2019年3月10號 (日) 09:46 (UTC)[回覆]

討論咗個幾月，大家原則上都同意應該跟粵維實際慣例修訂Wikipedia:標題習慣條文，所以已經以Longway22整理嘅內容做基礎更新咗一稿。如果有條文仍有爭議，可以攞出嚟繼續傾。--Jason6698 (傾偈) 2019年4月19號 (五) 02:59 (UTC)[回覆]

唔該晒Jason6698。翹仔 (傾偈) 2019年4月24號 (三) 13:44 (UTC)[回覆]

MediaWiki:Newarticletext

編輯

MediaWiki:Newarticletext，改改佢啦不如？--Roy17 (傾偈) 2019年3月15號 (五) 08:56 (UTC)[回覆]

有咩提議？翹仔 (傾偈) 2019年3月28號 (四) 15:33 (UTC)[回覆]
整咗喇，睇吓有冇特別嘅問題？ Shinjiman ⇔ ♨ 2019年3月29號 (五) 02:08 (UTC)[回覆]
針對special:permalink/855483嘅提議：尾後句話錯晒啦掛，改成「維基百科賣廣告。文章隨便自我宣傳，宣傳自己、朋友、公司或出品，亂鳩咁寫都保存。」就差唔多。--Roy17 (傾偈) 2019年3月29號 (五) 12:25 (UTC)[回覆]
一大堆紅字，重差過舊陣時，一係就全部開返版，一係就索性唔好提：
--Kowlooner (傾偈) 2019年3月31號 (日) 13:43 (UTC)[回覆]
我將兩條紅拎換走咗，改提Wikipedia:風格指南。翹仔 (傾偈) 2019年4月1號 (一) 11:12 (UTC)[回覆]

反對實際上係錯別字嘅偽本字政策，反對將修正錯別字行爲定義作「無建設性嘅編輯」

編輯

長期佔據粵語維基百科、粵語維基字典等項目嘅User:Cedric_tsan_cantonais(殘陽孤侠)回退咗我喺粵語音系條目度改正咗嘅錯別字，尤其是將「徂」字改番做「咗」字，聲稱：「粵維百科喺好耐之前已經有徂慣例：用本字定用借字由寫嘅人自己決定；純粹將本字改為借字，或者純粹將借字改為本字，都視為無建設性嘅編輯。」

但係第一，「徂」字根本唔係「咗」字嘅本字，話佢係「本字」呢個講法根本係大話，係無中生有咁屈出嚟嘅。將「徂」字當「咗」字用，只係錯別字，完全同本字無關。明明係錯別字，卻要造假講大話偽稱「本字」，霸地盤噉佔據住唔畀人改，將粵語維基當成係「錯別字生根基地」，擾亂正常語文。居然將改正錯別字嘅行為，定義做「無建設性嘅編輯」，真係指鹿為馬到極！

第二，就算一個字係後起字，或者係通假借番嚟嘅字，唔等於唔應該用，相反，文字自然噉發展，往往有其原因，用後起嘅字往往可以分化本字嘅義項，減少歧義。如果粵語維基真係用真正嘅「本字」做方針，係噉唔該唔好再寫「喜悅」，要改為「喜說」；唔好再寫「間諜」，要改為「閒諜」；唔好再寫「右」字，要改為「又」字。如果大家睇得出有咩唔合理，係噉同一道理，就唔應該用任何藉口高舉所謂「本字」。-Cangjie6 (傾偈) 2019年3月21號 (四) 07:14 (UTC)[回覆]

有嘢獻世，睇到笑下未算咯。彭志銘之流嘅偽作，喺香港d網上討論區已經臭晒，都冇人會學。就算唔知輿論，就算冇學過語言學，單從實證角度檢視，d偽作嘅文獻同論述錯漏百出。偏偏冤豬頭都有盟鼻菩薩。我初喺呢度寫嘢經已睇到d偽本字，但yuewp連偽文都難以處理，偽本字偽文法要刪就更加艱難啦。--Roy17 (傾偈) 2019年3月26號 (二) 16:24 (UTC)[回覆]
「咗」本字係乜，未有定論，上網查下，有其他如「着」同「昨」。若要本字，「着」字易過「徂」字。又或者，更古之時，大家古音古義同源，後再分化。
本字又唔係無，如「佢」字，無論南朝北朝都有用「渠」字，廣東話用合口韻嘅渠，屬北朝系。你字，廣東話用北朝系嘅你（爾）字，而唔用南朝系嘅汝字。依個唐宋時大量北方移民，遷入嶺南之佐證。HenryLi (傾偈) 2019年3月27號 (三) 00:20 (UTC)[回覆]
粵語關注團體「港語學」對偽本字嘅論述：[1]。指出一啲流行「粵語本字」嘅錯誤，例如「呢」唔係「爾」，同埋「本字」嘅虚惘。
一個粵語百科或者粵語詞典，可以無視一啲著名相關團體或語言學人士嘅論述，隨便宣稱某啲錯別字做「本字」，實屬反智。Cangjie6 (傾偈) 2019年3月27號 (三) 04:26 (UTC)[回覆]
入去望下，篇文話反本字，叫人唔好理本字。咁又要本字做乜？HenryLi (傾偈) 2019年3月27號 (三) 09:01 (UTC)[回覆]

百科成長低迷，理應改革，求維基友對策

編輯

本百科都開咗十二年幾，之但係都未上到十萬，得七成半，可謂成長低迷。廣東話都唔係咁弱雞，無理由咁樣。大家有乜見解同對策呢？

百科係二〇〇六年三月廿五號開嘅。到今接近有四千八百日。若要去到十萬，平均一日要開二十篇文多啲左右。按理唔係件咁難嘅事。睇返統計。近月每日睇嘅次數，約莫十五萬到二十萬次之間。若每部機計，約莫十二萬次左右。睇嘅人次都好多。而編寫方面，每日編寫人數，約有四五十人。而活躍編寫人數，約十零人左右。

由統計睇，睇嘅人好多，改嘅人都有咁上下，而開文嘅人就零零丁丁咁。係咪開文寫太苛刻，太難做？定係依家維基人，無興趣開文寫？定係無獎勵貢獻，而無人做呢？

百科要興旺，文係命脈所在。文量要多，題材要多，搜尋器先會搵到依度。文量對本百科都幾重要。如今就獻醜拋嚿磚出來討論，睇下可唔可行。

引人編寫，按次序有三方面。一，引多人來睇百科。二，畀人知道未有文，從而引到人開文。三，獎勵開文嘅人，想維基友多啲寫。由此有後述十幾項，供大家開個頭。

先由寫文講起
一。粵文百科，就算翻譯，行文要同中文百科有一定唔同，至少引言段要唔同。若果兩面嘅嘢一樣，人家都唔會想睇。
二。寫文順帶講埋英文點叫，有埋其他話更好，有埋點解咁起名更好。依個係其中一個熱門搜尋問題，亦係有趣味問題。有相關嘅字先有人來睇。
三。至少有一張圖。一來有圖先好睇。二來搜尋器搵圖，有機會來到依度。
四。寫文要有相當紅字連結，駁去開新文。無連結就無維基。唔好怕紅字唔好睇。紅字正正帶人開拓新領域。
五。若果新文寫嘅野唔多，有問題不如直改，好過掛模。有時間掛模不如出手改寫。咁鼓勵新人，唔係一味話人有問題。掛模本意係傾點做，唔傾實在唔應該掛模，唔多友善。
頭版要日日變
六。頭版內容，十年如一日，過於靜態。不如開排行榜，用程式自動排出內容。電話程式早就有排名，列出五篇當日最多人睇。頭版可以列十項最多人睇，多啲時代感。
七。頭版列出十條最想開嘅文。由程式計出來。若果開咗，就移走，換另一個。模入面嗰啲缺文，就唔好計。鼓勵人開文。
八。列出尋日有開文嘅維基友，咁當然有一定要求，有程式計算，以免亂開。依個係奬勵人開文。後面講。
九。列出尋日新文章，以十篇最長為準。以奬勵開文嘅人。後面講。
十。列出尋日擴寫文章。以十篇擴充最長為準。以奬勵人改好啲文。後面講。
維基友開文排名以作鼓勵
十一。有排名只計用戶名。希望人開戶做維基友，建立編寫社羣，多啲交流。
十二。目標人人日日開一篇。一日一篇個量較易做。一日開幾多篇都係計一次，唔係鬥多，只係養成寫文習慣。要電腦程式計算，唔經人手。準則如後。
甲。計段落文字，要有一百個唐字，唔計標點同符號。
乙。全文段落有至少五條連結。
丙。至少有一張圖。
丁。行文唔係直抄其他百科，唔得直抄唔改。亦唔係塗鴉。
戊。每日更新時間，世界協調時子夜十二點，相當於省港臺灣澳等地朝早八點鐘。
己。新文及格，落名係開文維基友個名。唔理幾多人改過。
更。排名純粹尋日開文達成先後。
十三。排名日日留底。鼓勵人持之而行。
㝷日新文章排名以作鼓勵
十四。開清單列出尋日新文章。十篇最長放頭版做奬勵，咁可以鼓勵人開文寫好啲。時間之類前面講咁。
十五。日日新鮮。維基友開文有人睇。又見到寫文趨勢。
尋日十大擴充文章作鼓勵
十六。鼓勵人擴充文章，充實內容。以字數增幅為準。如此用心改嘅嘢，亦上到頭版，畀到人睇。

咁樣頭版會更有用，維基友心血亦唔會埋沒。又畀維基友多啲參與感，新鮮感。盡量用機械人同程式，唔會做漏，唔使咁辛苦，效果又大。唔知大家點睇呢？

@WikiCantona、Deryck Chan、S7w4j9、Shinjiman、William915、Kowlooner、恐狼博士：
@Cedric tsan cantonais、Helpcanbepowerful、昏君、广州阿沾、SC96、PQ77wd、Roy17：

HenryLi (傾偈) 2019年4月30號 (二) 14:17 (UTC)[回覆]

我接受咗挑戰，整咗呢件嘢出嚟：PAWS notebook; 成果。呢件嘢會自動攞最近 N=2 日開嘅文章，揀 M=10 篇嚟貼堂。為鼓勵多啲人貢獻，但唔鼓勵灌水，揀文嘅原則係：
  • 列出最長 (計漢字數) 嘅文
  • 如果有超過 M 個人有開文，噉每位編者限貼一篇堂
  • 如果唔夠 M 個人有開文，噉每位編者會貼至少一篇堂，而每位寫超過一篇文嘅編者嘅第二篇文當中，最長嗰篇又貼堂，如此類推，直至湊夠數為止 (或者貼晒最近 N 日開嘅所有文)
我可以淨係要啲文章連結，唔要作者名同長度，擺喺頭版一個框框度，然後每日更新一次，點睇？翹仔 (傾偈) 2019年4月30號 (二) 23:49 (UTC)[回覆]
👏👏👏。好快手。
你指上面第九項嗎？改為貼堂新文，限制一人一篇咁都唔錯。湊數就無咗日日成習慣嘅意思，寧願唔夠數，尋日無就話無，叫各位維基友努力。
第八項入圍名單，仍然有必要。尋日開版及格，人人都有份。啲人頭版見到自己名喺，咁可以鼓勵參與。反正開文人唔多，列晒十幾廿個都唔係問題。若果有百個維基友以上，到時開心都來唔切，字體細啲又得，分兩級，上頭版規舉再嚴格啲又得。
尋日新文成功入圍維基友有：陳亞文、陸季性、Abbssi、莫比一二三、ebuokpeki、朱小小⋯⋯一路咁列落去。
HenryLi (傾偈) 2019年5月1號 (三) 06:04 (UTC)[回覆]
我有個小提議。我覺得一篇文嘅質素好唔好，查實又唔係淨係睇字數嘅，reference 嘅數量、reference 數量對字數比例、仲有係圖對字數比例... 等多個 variable 都好重要。所以我諗緊，不如喺呢類 bot 嗰度用人工神經網絡：例如整個 bot 係內置咗個 feedforward 神經網絡嘅，個 feedforward 網絡嘅 input 係頭先提咗嗰柞變數，output 就係「篇文嘅質素」。跟手我哋揾柞文返嚟，每篇文我哋人手俾個分數佢，表示佢質素有幾好，再攞得出嘅 dataset 嚟 train 個網絡，然後就俾個 bot 按照呢個神經網絡篇篇文俾個分數佢，用呢個分數排。你哋覺得點？恐狼博士 (傾偈) 2019年5月2號 (四) 09:56 (UTC)[回覆]

一直都有數據睇到，個『深度』指標由以前大約30落到16就知文章嘅數量同埋文章嘅編輯比例。另外依家喺技術上面限制咗加新國文嘅嘢上去，大部份帶有國文嘅新嘢都會被阻止，呢個會間接影響到總編輯嘅數字。做排名嘅功夫嘅上面應該有數據可以拎返，再用機械人幫手更新落啲版度嘅。 Shinjiman ⇔ ♨ 2019年5月1號 (三) 01:15 (UTC)[回覆]

咁文章內容，可以少啲顧慮灌水問題。HenryLi (傾偈) 2019年5月1號 (三) 06:04 (UTC)[回覆]

補充下，有關第六項熱門排名，Analytic 個 REST API有尋日熱門，只要過濾走其他類嘅版，就可以拎出來用。例如https://wikimedia.org/api/rest_v1/metrics/pageviews/top/zh-yue.wikipedia.org/all-access/2019/04/30 會攞到頭一千篇嘅json。HenryLi (傾偈) 2019年5月1號 (三) 06:04 (UTC)[回覆]

如果要鼓勵多啲人寫文，我諗要喺 facebook 呢啲社交媒體上宣傳吓，例如係叫啲 friend share 吓我哋寫咗嘅靚文噉。我喺 facebook 度有個 friend 定時定候 share 我寫嘅文，吸引到唔少人問點樣先可以加入幫手寫維基。恐狼博士 (傾偈) 2019年5月1號 (三) 09:36 (UTC)[回覆]

依個要靠人出面推廣。亦可以開Facebook page推文。HenryLi (傾偈) 2019年5月2號 (四) 08:21 (UTC)[回覆]
我個人覺得唔單止喺Facebook page推文，甚至喺中國大陸嘅微博嗰邊推文（因為中國大陸封殺咗facebook）。--PQ77wd (傾偈) 2019年5月2號 (四) 10:32 (UTC)[回覆]

其實成日有新用戶同IP人將一兩個「嘅」改成「的」，有啲重喺編輯摘要度話「改成書面語」之類，似係唔為意呢度係粵文維基百科，無幾耐就俾人反轉。可唔可以改改國文個AbuseFilter，話聲佢哋知呢度唔係中文維基百科，但都係可以一樣改文，吸引佢哋來寫文呢？--‎H78c67c·傾偈 2019年5月1號 (三) 13:18 (UTC)[回覆]

係咪要改編輯器？HenryLi (傾偈) 2019年5月2號 (四) 08:21 (UTC)[回覆]
可能，之前整過一句喺呢度。 Shinjiman ⇔ ♨ 2019年5月2號 (四) 08:38 (UTC)[回覆]
呢樣我喺之前專程開咗個{{contrib-cmn}}噉嘅模。--PQ77wd (傾偈) 2019年5月2號 (四) 10:34 (UTC)[回覆]

是日正文無限loop

編輯

@HenryLi、Shinjiman、恐狼博士：最近我同恐狼傾開一個提議。本來我哋想解決嘅問題係，新文可以上一次你知唔知、升好文之後可以再上頭版、升正文之後又可以再上頭版，但升正文上頭版之後就會永遠雪藏。但諗到個提議之後，發覺可以解決埋「日日要換頭版」嘅提議：

將「是日正文」變成一條全部正文都排嘅隊，每日自動換畫無限 loop。

點睇？翹仔 (傾偈) 2019年5月6號 (一) 15:19 (UTC)[回覆]

呢個咪同『正嘢』裏面嘅『正文』小節差唔多？ Shinjiman ⇔ ♨ 2019年5月6號 (一) 23:58 (UTC)[回覆]
可以噉講，不過係定期換畫而唔係每次 refresh 都換畫。翹仔 (傾偈) 2019年5月7號 (二) 10:36 (UTC)[回覆]

基金會新搞作：新手上路頭版

編輯
 
新手上路頭版截圖

我今個禮拜去維基國際年會，會上有美國總會嘅開發者講，佢哋整咗個「新手上路頭版」，同我哋以上唔少提議吻合。詳情喺度：mw:Growth/Personalized first day/Newcomer homepage。

一句講晒，就係新手除咗自己用戶頁之外，仲會有個 dashboard，上面講個新手寫咗幾多嘢，寫嘅文有幾多讀者，有咩可以做，鼓勵佢做，同埋幫個新手聯絡一個熟手維基人導師。

粵維加呢個新手上路頭版好唔好？只需大家同意，同埋是但兩三個維基人(我會係其中一個)肯做導師解答問題。根據呢個新手上路頭版喺捷克文同韓文版嘅經驗，每個導師平均每日少過一條問題要答，好 heng keng。

@HenryLi、恐狼博士、PQ77wd、Shinjiman、S7w4j9、William915：@Kowlooner、PQ77wd、昏君、Roy17、SC96： 大家點睇？翹仔 (傾偈) 2019年8月19號 (一) 22:04 (UTC)[回覆]

建議盡快引入「維基欺凌」同「濫用規則」兼制定本地准入規則

編輯

近期我去維基同享時，發現某用戶喺度大規模刪走啲原創相，出埋嗮啲「NO FOP IN CHINA」嘅理由，搞到好多維基同享嘅管理員都信以為真都刪嗮（其實嗰啲相完全冇任何違反規則啊），加上重寫埋「Please keep calm and collegial」嘅無哩頭言論。經發現係粵維某用戶嘅所為，佢之前曾經喺粵維搞過提刪幾鑊（睇WP:刪文討論嗰幾單有拗數嘅刪文就知），口氣有啲似想產生挑釁噉（尤其係呢單，完全係純屬惡意，噉嘅事俾我睇到，真係佛都有火喇。噉嘅示例喺日文同中文維基，完全可以判定係惡人先告狀），按照中文維基話齋：維基百科唔係戰場。而且粵維之前出過類似s7兄咁大口氣爆粗口嘅事件。加上近呢半年嚟出現過有人惡意提刪嘅事件，我認為「與其猛咁喺度拗，不如寫多啲文章」嘅諗法已經過嗮時。

講個分級教材：若果德國都可以決定唔再採納pegi後，而係決定用國內嘅USK嘅審查制度，點解粵維就唔可以決定唔再參照英維規矩？的確，英維嘅規矩係針對英維制定嘅，嗰邊還英文維基嘅事，嚟到粵維唔係樣樣都啱情況。就攞TALK:清平路 (廣州)同WP:管理員留言板#擾亂維基百科、WP:管理員留言板#人身攻擊、WP:管理員留言板#2019年3月 (2)呢六單，若果喺中文同日文維基百科，噉嘅鬧人同挑釁事件就係純屬維基欺凌（因為屬於不實指控）。另一方面，大維基一樣有制定防止惡意濫用規則嘅規定，以日文維基做例：都有規定唔畀濫用制裁（睇ja:Wikipedia:規則の悪用#制裁制度の悪用），再唔信嘅，喺中文維基都有規定唔畀濫用制裁（zh:WP:游戏维基规则#游戏方针与指引使用）。 --PQ77wd (傾偈) 2019年5月4號 (六) 05:29 (UTC)[回覆]

歡迎各位回應（喺管理員留言板提出過話要求封Cedric兄或Longway22，兼有提過北京路嘅搬版嗰個用戶除外。另外，參與過五臺山、泗水嘅討論同有兩次封禁記錄嘅人除外）。--PQ77wd (傾偈) 2019年5月4號 (六) 05:33 (UTC)[回覆]

唔介意本地立法，粵維規矩亦一直支持本地立法，只不過係喺未有本地討論之前，可以假設英維、中維原則通用，方便節省寫政策嘅人手。留意 Gaming the system 係指引，Wikibullying 只係「解釋」。不如你寫一個「濫用規則」提案，然後大家一齊執？翹仔 (傾偈) 2019年5月6號 (一) 14:54 (UTC)[回覆]
好。既然係噉嘅話，我都有必要引入濫用規則呢條先，費事夜長夢多。--PQ77wd (傾偈) 2019年5月7號 (二) 02:00 (UTC)[回覆]
由「https://zh-yue.wikipedia.org/w/index.php?title=Wikipedia:城市論壇_(政策)/歸檔/2019年6月&oldid=1503747」收