Wikipedia:當年今日/3月

今日係 2024年 4月19號，禮拜五；而家係（標準時）01 點 17 分

按月導航：
1月 – 2月 – 3月 – 4月 – 5月 – 6月 – 7月 – 8月 – 9月 – 10月 – 11月 – 12月

喺呢一日...
4月19號：Primrose Day：紀念英國首相迪斯雷利死忌 1839年：歐洲列強同荷蘭聯合王國同比利時王國喺倫敦簽《倫敦條約》，確認比利時同荷蘭分離咗，歐洲列強承認同保證比利時嘅獨立同埋中立。 1861年：1861年巴爾的摩暴動。 1965年：Gordon Moore喺《電子學》雜誌發表文章，預言半導體晶片上整合嘅電晶體同電阻數量將每年增加一倍，是為摩爾定律。 1995年：奧克拉荷馬市爆炸案，最少百幾人死六百幾人傷。 2005年：梵蒂岡選出德國籍嘅樞機主教拉青格（圖）做新教宗，聖號係本篤十六世。 上幾日：4月18號 – 4月17號 – 4月16號

3月1號：零歧視日 1962年：美國航空一客機由紐約市New York International (Idlewild) Airport（而家嗌甘迺迪國際機場）飛去洛杉磯國際機場期間失事，機上95人咸不剌死晒。 1990年：貝寧人民共和國改名為貝寧共和國。 2006年：日本交通部門喺仙台市首次公開實地測試一架世界上速度最快嘅電力列車。最快行到366公里每小時。 2013年：香港大角咀肢解父母案，周凱亮（31歲）謀殺阿爸周榮基（65歲）同阿媽蕭月兒（62歲）後，聯同謝臻麒（37歲）肢解兩條屍。 2014年：中華人民共和國雲南昆明火車站（圖）廣場同售票廳發生恐怖襲擊，35死140幾傷。 上幾日：2月29號 – 2月28號 – 2月27號 3月2號： 德薩斯共和國 獨立日 1836年：德薩斯脫離墨西哥獨立，成立德薩斯共和國。 1956年：摩洛哥脫離法國獨立。 1969年：中華人民共和國同蘇聯邊防部隊响烏蘇里江珍寶島上發生武裝衝突。 1969年：和諧客機（圖）首飛。 1970年：津巴布韋脫離英國獨立，成立津巴布韋共和國。 上幾日：3月1號 – 2月29號 – 2月28號 3月3號：保加利亞 國慶日 1845年：佛羅里達成為第27個美國州份。 1857年：英國同法國以傳教士被殺為藉口向大清宣戰，史稱第二次鴉片戰爭。 1923年：《時代雜誌》（圖）創刊。 1931年：美國總統胡佛將《星條旗》定為美國國歌。 1974年：土耳其航空一客機由中途站巴黎飛去尾站倫敦期間失事，機上346人咸不剌死晒，係當時死得人最多嘅飛機失事，至1977年洛司羅迪歐空難被打破。 上幾日：3月2號 – 3月1號 – 2月29號 3月4號：美國 國家語法日 1351年：拉瑪鐵菩提一世建立大城王國。 1861年：林肯就任美國總統，係首位共和黨籍總統。 1933年：富蘭克林羅斯福（圖）就任美國總統，後來成為美國史上唯一連任四屆嘅總統。 1951年：1951年亞洲運動會喺印度新德里開幕，係第1屆亞洲運動會。 1991年：兩個蘇聯加盟共和國拉脫維亞同埋愛沙尼亞公投獨立。 上幾日：3月3號 – 3月2號 – 3月1號 3月5號：中華人民共和國 學雷鋒紀念日 1824年：英國對緬甸宣戰，第一次英緬戰爭爆發。 1860年：帕爾馬公國、托斯卡納大公國同羅馬涅公民投票同意加入撒丁王國。 1933年：德國納粹黨喺大選入面攞到44%議席，希特拉獲得組閣權。 1940年：包括總書記史太林在內嘅蘇共中央政治局授意蘇聯內務人民委員會屠殺波蘭戰俘、知識分子、警察同其他公務員。屠殺喺4月至5月間進行，估計21,768人遇害，是為卡廷大屠殺。 1970年：《核不擴散條約》（圖）正式生效。 上幾日：3月4號 – 3月3號 – 3月2號 3月6號：加納 獨立日 1834年：多倫多成立。 1836年：墨西哥軍隊喺圍城13日之後，攻陷德薩斯共和國嘅阿拉摩，是為阿拉摩之戰。 1902年：皇家馬德里足球會前身馬德里足球會（圖）成立。 1945年：德軍秘密發起春季覺醒行動，係德軍喺第二次世界大戰入面最後一次大型攻勢計劃。 1957年：英屬黃金海岸同英屬多哥蘭合併同獨立為加納。 上幾日：3月5號 – 3月4號 – 3月3號 3月7號：中華人民共和國 女生節 1918年：松下幸之助（圖）喺日本大阪創辦松下前身「松下電氣器具製作所」。 1957年：香港大欖涌水塘啟用。 1961年：中美外交官員喺波蘭華沙會談，當時中美冇建交，係兩國官員罕有接觸。 1976年：英國一艘漁船喺冰島附近海域作業，冰島派出炮艇在旁嚴密監視。英國同埋冰島呢場紛爭，係由於冰島單方面宣佈，沿海50英哩係禁止捕漁區，禁止英國漁船進入，雙方談判之後，終於承認冰島劃定嘅捕魚禁區。 1987年：中華民國國軍小金門守軍射殺手無寸鐵嘅越南難民，呢單嘢嗌「三七事件」。 上幾日：3月6號 – 3月5號 – 3月4號 3月8號：國際婦女節 1909年：美國芝加哥婦女大遊行。 1917年：俄國二月革命（儒略曆重喺2月）爆發。 1966年：邢台地震，8千幾人死，3萬8千幾人傷。 2014年：馬來西亞航空370號班機失去聯絡。 2017年：馬耳他Azure Window（圖）喺風暴之下冧咗。 上幾日：3月7號 – 3月6號 – 3月5號 3月9號： 1908年：意大利足球會國際米蘭（圖）成立。 1945年：大日本帝國軍隊喺法屬印度支那發動政變，至5月15號日軍完全推翻咗法屬印度支那嘅殖民政府。 1945年：美軍出動兩百幾架B-29轟炸機轟炸東京，東京四分之一地區中彈着火，廿幾萬間屋燒咗，超過十八萬人死傷，係第二次世界大戰中喺亞洲破壞最嚴重嘅空襲。 2005年：泰國總理丘達新喺國會下議院舉行嘅總理推選選舉中當選下屆總理。 2015年：卡斯迪利鎮直升機空難，10死。 上幾日：3月8號 – 3月7號 – 3月6號 3月10號：瑪利奧日 1912年：袁世凱喺北京宣誓做中華民國臨時大總統。 1959年：西藏暴動／起義 - 卅萬西藏人圍住布達拉宮，驚第十四世達賴喇嘛丹增嘉措會俾中華人民共和國政府嘅人捉走。 1977年：天文學家發現天王星嘅行星環。 2017年：南韓憲法法院裁定國會對總統朴槿惠（圖）嘅彈劾案成立，朴槿惠落台。 2019年：埃塞俄比亞航空一客機由阿迪斯阿貝巴飛去肯雅首都奈羅比期間失事，機上157人死晒，其中19名搭客係聯合國職員，1名係香港居民。爾次係波音737MAX型號客機面世以來第二單致命空難，同上一單獅子航空610號班機失事事隔只係一百卅幾日，嗰單死咗重多嘅189人。 上幾日：3月9號 – 3月8號 – 3月7號 3月11號：立陶宛 恢復獨立日 1702年：英國頭一份日報《The Daily Courant》出版。 1861年：大清設總理各國事務衙門處理外交事務，位置喺北京東堂子胡同。 1925年：孫文喺《總理遺囑》度簽名，跟住嗰日就病死。 1938年：納粹德國軍事接收奧地利。 2011年：日本仙台外海發生黎克特制9級地震（圖），引發海嘯沖擊日本東岸地區同埋福島第一核電廠核災。 上幾日：3月10號 – 3月9號 – 3月8號 3月12號：毛里裘斯 獨立日（共和國日） 1922年：格魯吉亞、亞美尼亞同阿塞拜疆喺蘇聯紅軍嘅插手下喺第比利斯組成外高加索蘇維埃社會主義聯邦共和國。 1967年：蘇哈托（圖）發動政變逼印尼總統蘇卡諾落台，自己做代總統。 1968年：毛厘士由英國獨立，實行君主立憲制，英國君主係國家元首，總督代表元首行使權力。 1993年：1993年孟買連環爆炸，257死713傷。 1999年：前共產國兼華沙公約組織成員國捷克、匈牙利同波蘭加入北大西洋公約組織。 上幾日：3月11號 – 3月10號 – 3月9號 3月13號：泰國 全國大象日 1781年：赫歇爾（圖）用自己造嘅高倍望遠鏡發現天王星。 1954年：武元甲領導越南軍隊進攻奠邊府嘅法國軍隊，奠邊府戰役爆發。 1979年：歐洲共同體內部開始用歐洲貨幣單位做計價結算嘅通貨單位。 2012年：《大英百科全書》宣佈全面電子化，唔再出印刷版。 2013年：阿根廷籍樞機主教Jorge Mario Bergoglio被選為新任梵蒂岡教宗，是為方濟。 上幾日：3月12號 – 3月11號 – 3月10號 3月14號：圓周率日（π節） 1489年：Catherine Cornaro被逼將Kingdom of Cyprus賣畀威尼斯共和國。 1997年：中華人民共和國全國人民代表大會通過將重慶升格做直轄市，係中華人民共和國第四個直轄市。 2004年：中華人民共和國第十屆全國人民代表大會第二次會議正式將《義勇軍進行曲》作為國歌嘅條文寫入去憲法。（第四章第一百三十六條第二款：「中華人民共和國國歌是《義勇軍進行曲》。」）。 2005年：中華人民共和國第十屆全國人民代表大會第三次會議以2896票贊成，0票反對，2票棄權嘅懸殊比例通過《反分裂國家法》。 2008年：西藏首府拉薩市中心發生騷亂。 上幾日：3月13號 – 3月12號 – 3月11號 3月15號：國際消費者權益日 1985年：首個互聯網".com"域名Symbolics.com註冊。 1990年：戈巴卓夫（圖）被選為蘇聯總統，隨即宣誓就職。 2003年：胡錦濤當選中華人民共和國主席；江澤民繼續出任中華人民共和國中央軍事委員會主席；吳邦國當選十屆全國人大常委會委員長。 2006年：聯合國大會通過決議設立聯合國人權理事會。 2019年：有鎗手衝入紐西蘭基督城兩間清真寺亂鎗掃射，造成最少49死。 上幾日：3月14號 – 3月13號 – 3月12號 3月16號： 1878年：瑞典將法國送嘅聖巴多祿繆賣返畀法國。 1966年：美國「雙子星8號」同「阿金納」對接艙體進行史上首次太空對接。 1968年：越戰—美國陸軍喺越南美萊屠殺村民，呢單嘢嗌「美萊慘殺」（圖）。 1979年：中國共產黨旗下解放軍冚唪唥由越南撤退返國內，中越戰爭打完。 1990年：臺灣野百合學運開始。 上幾日：3月15號 – 3月14號 – 3月13號 3月17號：聖派翠克節（愛爾蘭共和國國慶） 916年：耶律阿保機稱帝，國號契丹。 1906年：臺灣嘉義縣梅山發生黎克特制7.1級地震，最少1,258死，2,385傷。 1934年：奧地利、匈牙利同意大利簽《羅馬議定書》。 1948年：英國、法國、荷蘭、比利時同盧森堡簽《布魯塞爾條約》。 1969年：梅雅夫人（圖）就任以色列總理，係以色列首位女總理。 上幾日：3月16號 – 3月15號 – 3月14號 3月18號： 1871年：巴黎工人起義，巴黎公社革命爆發。 1890年：德國總理俾斯麥（圖）向威廉二世呈辭，結束30年執政。 1962年：法國同阿爾及利亞喺法國埃維昂簽停火協定，結束阿爾及利亞解放戰爭。 2000年：第10屆中華民國總統選舉，由民主進步黨陳水扁以39.3%得票當選，形成臺灣史上首次政黨輪替。 2014年：臺灣開始爆發太陽花學運。 上幾日：3月17號 – 3月16號 – 3月15號 3月19號： 1279年：崖山海戰宋軍唔夠元軍打，陸秀夫抱住八歲嘅皇帝仔趙昺跳海而死，南宋滅亡。 1915年：首次影到冥王星（圖），不過認唔到出嚟。 1945年：日本軍突襲美國航空母艦富蘭克林號，800船員死，船身爛晒。 1997年：新疆考古所宣佈喺塔克拉瑪干沙漠地底搵倒丹丹烏利克遺址。 2004年：爭取連任嘅中華民國正、副總統陳水扁、呂秀蓮喺臺南市金華路進行最後一日競選活動時中槍受傷。 上幾日：3月18號 – 3月17號 – 3月16號 3月20號：突尼西亞 獨立日 1127年: 金太宗下詔廢咗大宋徽、欽二帝做庶人，俘二帝北上，北宋滅亡。 1815年：拿破崙返到法國巴黎（圖）做皇帝，百日王朝開始。 1860年：英國夾硬佔領九龍。 1995年：日本奧姆真理教發動東京地鐵沙林毒氣事件，13死，約莫6,300傷。 2003年：美國總統喬治·獲加·布殊向伊拉克總統薩達姆侯賽因發出，要佢同佢嘅仔喺48個鐘頭之內流亡國外嘅最後通牒到期。多國部隊對伊拉克開戰，伊拉克戰爭開始。 上幾日：3月19號 – 3月18號 – 3月17號 3月21號：納米比亞 獨立日 1831年：意大利統一—奧地利派兵進入意大利。 1960年：南非有5至7千黑人喺約翰尼斯堡附近集會，抗議南非白人政府嘅種族隔離政策，警方突然向參加集會嘅黑人開槍，做成69死180傷，係南非反種族隔離政策示威當中傷亡最多嘅一次。 1965年：馬丁路德金（圖）帶領3,200人開始第三次兼最後一次成功嘅民權遊行（由阿拉巴馬州塞爾馬到蒙哥馬利）。 1970年：舊金山市長Joseph Alioto發表首個地球日宣言。 1990年：納米比亞由南非獨立。 上幾日：3月20號 – 3月19號 – 3月18號 3月22號：世界水日 1916年：中華帝國皇帝袁世凱取消帝制，做返中華民國大總統。 1945年：阿剌伯聯盟（圖）成立。 2016年：2016年布魯塞爾連環爆炸案，35死（連埋襲擊者）超過300傷。 2017年：英國倫敦西敏市西敏襲擊案，5死50傷。 2018年：索馬里首都摩加迪沙一間酒店附近發生汽車炸彈襲擊，最少14死10傷。回教激進組織青年黨承認責任。 上幾日：3月21號 – 3月20號 – 3月19號 3月23號：巴基斯坦 國慶日 752年：德範當選羅馬天主教教宗。3日後重未正式祝聖就中風死咗。 1888年：英倫足球界人士開會商量組織踢波聯賽，最終喺同年4月17號成立「足球聯賽」（the Football League，即係而家嘅英倫足球聯賽），成為全世界首個職業踢波聯賽。 1996年：臺灣舉行第一次總統直選，由李登輝同連戰以高票當選中華民國總統同副總統。 1998年：《鐵達尼號 (1997年電影)》（圖）攞到第70屆奧斯卡金像獎11個獎，平1959年《賓虛》攞最多獎嘅紀錄。 2001年：俄羅斯和平號太空站按計劃跌入南太平洋。 上幾日：3月22號 – 3月21號 – 3月20號 3月24號：世界防治結核病日 1603年：英倫女王伊利沙伯一世死，蘇格蘭王詹士六世做埋英倫王詹士一世。 1927年：英美等國嘅軍艦炮轟南京，打死2,000幾個平民，呢單嘢叫「三二四慘案」。 1935年：菲律賓建立「菲律賓自治邦」。 1976年：阿根廷總統伊莎貝爾貝隆（圖）喺軍事政變入面被解除職務重被捕。 1999年：科索沃戰爭–北大西洋公約組織（北約）唔經聯合國安理會授權，以「消除人道災難」為理由，打住「人權高於主權」旗號，開始空襲南斯拉夫，係北約首次攻擊一個主權國。 上幾日：3月23號 – 3月22號 – 3月21號 3月25號：希臘 國慶日 1655年：荷蘭天文學家惠更斯發現土衞六（圖）。 1821年：希臘由鄂圖曼帝國獨立。 1918年：白俄羅斯人民共和國依照《布列斯特-立陶夫斯克條約》獨立。 1941年：南斯拉夫王國簽《三國同盟條約》，加入軸心國軍事同盟。 1957年：比利時、法國、意大利、盧森堡、荷蘭同西德喺羅馬簽《建立歐洲經濟共同體條約》（又叫《羅馬條約》），喺第二年1月1號建立歐洲經濟共同體。 上幾日：3月24號 – 3月23號 – 3月22號 3月26號：孟加拉 國慶日 1027年：康拉德二世喺羅馬由教宗若望十九世加冕成為神聖羅馬帝國皇帝。 1945年：硫磺島戰役（圖）打完，美國贏。 1971年：孟加拉國解放戰爭爆發。 1987年：中華人民共和國同葡萄牙草簽協議，葡方喺1999年12月20號將澳門交畀中方。 2010年：南韓海軍天安號沉沒，46死56傷。 上幾日：3月25號 – 3月24號 – 3月23號 3月27號：緬甸 建軍節 1964年：美國阿拉斯加州威廉王子灣發生黎克特制8.4級地震，131死。 1977年：荷蘭皇家航空同泛美航空兩架波音747客機喺西班牙屬地加那利群島嘅洛司羅迪歐機場（而家北特內里費機場）機場跑道上面高速撞機（圖），583死61傷。 2004年：美國太空總署X-43A實驗機喺太平洋約莫95,000英尺上空中以6.8316倍音速飛咗11秒，畀健力士世界紀錄確認爲當時世界上最快嘅進氣（air breathing）飛機。 2013年：2013年3月南投地震。 2018年：蘋果公司發佈新嘅第六代9.7吋iPad。 上幾日：3月26號 – 3月25號 – 3月24號 3月28號：中華人民共和國 西藏百萬農奴解放紀念日 1802年：德國天文學家歐伯斯發現智神星（圖），係人類繼穀神星之後發現嘅第二粒小行星。 1910年：法國工程師亨利·法布爾成為首位成功進行水上飛機飛行測試嘅人。 1938年：中華民國維新政府喺南京成立。 1959年：中華人民共和國國務院總理周恩來解散原西藏地方政府（「噶廈」），由西藏自治區籌委會行使西藏地方政府職權，號召西藏各族人民一邊平息叛亂，一邊實行民主改革。 2018年：中華人民共和國同北韓官方分別證實朝鮮勞動黨委員長金正恩25號至28號非正式訪問北京四日，同中國共產黨中央委員會總書記習近平會談，係金正恩自2011年掌權以來頭一次外訪，事前冇任何官方公佈。 上幾日：3月27號 – 3月26號 – 3月25號 3月29號：中華民國 革命先烈紀念日（青年節） 1807年：歐伯斯喺小行星帶發現灶神星（圖）。 1990年：澳門政府突然宣布為無證居民登記，萬幾個黑市居民立即趕去逸園狗場等候登記。人太多秩序大亂，人踩人，百幾人傷，當中有孕婦，澳門警方要開槍示警維持秩序。 1999年：道瓊斯工業平均指數收市首次突破10,000點，報10,006.78點。 2004年：保加利亞、愛沙尼亞、拉脫維亞、立陶宛、羅馬尼亞、斯洛伐克同斯洛文尼亞七國加入北大西洋公約組織。 2012年：香港廉政公署拉咗郭炳聯、郭炳江、陳鉅源同許仕仁等人，話佢哋涉嫌貪污。 上幾日：3月28號 – 3月27號 – 3月26號 3月30號：巴勒斯坦國 國土日 1867年：美國向沙俄買咗阿拉斯加州，成交費700萬美金另加手續費20萬美金，平均每英畝土地值兩美分，是為「阿拉斯加易手」。 1979年：有130幾年歷史嘅域多利兵房由駐港英軍交還畀港英政府，不嬲設喺嗰度嘅駐港英軍總部搬去添馬艦基地嘅新總部大廈。 1981年：美國總統朗奴列根（圖）喺華盛頓特區一間酒店門外被槍擊。 2016年：廷覺同緬甸前總統登盛完成權力交接，成為該國首任文人總統。 2019年：中華人民共和國四川涼山發生山火，由於風向突變發生閃燃，最少卅名消防員殉職。 上幾日：3月29號 – 3月28號 – 3月27號 3月31號：馬耳他 自由日 1854年：美國同日本江戶幕府簽《神奈川條約》，逼日本開放港口同美國通商。 1921年：尼加拉瓜馬拿瓜地震，二千人死。 1927年：中共喺重慶舉行抗議英美炮擊南京嘅市民大會。四川軍閥劉湘同蔣介石勾結，乘機屠殺共產黨人，約莫300死，700至800重傷，是為三·三一慘案。 1959年：達賴喇嘛十四世丹增嘉措（圖）走過邊境到印度搵政治庇護。 2002年：臺灣331大地震。 上幾日：3月30號 – 3月29號 – 3月28號